Фото: nalog.ru

Қазақстанда шетелдің бизнесі өзінің мүмкіндігін артырып жатыр. Бір жыл ішінде шетелдіктердің иелігіндегі немесе шетел азаматтары қатысқан компаниялардың саны бірден 25%-ға артып,3,4 мың ұйымға артқан. Мұндай мәліметті Finprom.kz агенттігі келтірген. 

Ал Қазақстандағы жалпы шетелдік немесе шетелдік емес кәсіпорындардың өсімі 2016 жылдың сәуір айынан бері 7%-ды құрады.

Сондай-ақ, шетелдік компаниялардың бизнес ортадағы үлесі өткен жылмен салыстырғанда 5,9%-дан 6,9%-ға өскен. Агенттіктің мәліметінше, елеміздегі шетелдік құжатпен тіркелген компаниялардың көбеюі ел экономикасындағы шетелдік инвестиция көлемінің артуымен байланысты.

Айта кетейік, өткен жылы Қазақстанға шетелден келген тікелей инвестиция көлемі 40%-ға көбейіп, 20,6 млрд долларға дейін жетті.

Сонымен ең көп шетелдік компаниялар сауда саласында жұмыс істеп жатыр. 2017 жылдың сәуір айындағы нәтиже бойынша Қазақстанның сауда саласында 6,7 мың шетелдік компания жұмыс істеуде. Көрсеткіш өткен жылмен салыстырғанда 1,3 мыңға артық.

Сондай-ақ, шетелдік кәсіпорындар құрылыс, өндіруші өнеркәсіп салаларында көбейген.

“The Qazaq Times”