Foto: Tengrinews

2016 jılı Qazaqstanda ortaşa aylıq jalaqı 143 mıñ teñgeni qwradı. Bwl turalı Wlttıq ekonomika ministrliginiñ birinşi  vice-ministri Ruslan Dalenov mälimdedi.

Dalenovtıñ aqparatına sensek, eñ joğarğı jalaqı Atırau jäne Mañğıstau oblıstarına tiesili, şamamaen 250 mıñ teñgeden joğarı. Al eñ az jalaqını Jambıl oblısı men Soltüstik Qazaqstan oblısınıñ twrğındarı aladı. Olardıñ ortaşa aylıq jalaqısı - 100 mıñ teñgegeden tömen.

Al mamandıq boyınşa beriletin jalaqığa keler bolsaq, eñ köp eñbekaqını mwnay öndiru salasında, şahtada jäne qwrılısta jwmıs isteytinder aladı eken. Al mwğalimderdiñ, medicina qızmetkerleriniñ, zootehnikterdiñ jäne balabaqşa tärbieşileriniñ jalaqısı tömmen.

"Jalpı alğanda jaldamalı jwmısşılardıñ üşten biri 100 mıñ teñgeden joğarı jalaqı aladı. Mwnday mälimetter 59 mıñğa juıq iri jäne orta käsiporındardıñ toqsan sayın wsınğan esebine säykes beriledi. Al jwmısşıları 100 adamnan aspaytın şağın käsiporındarğa keler bolsaq, onda ortaşa jalaqı 134 mıñ teñgeni qwraydı", - dedi vice-ministr.

Onıñ sözinşe, zertteu nätijesi boyınşa Qazaqstanda 13 mln ülken adamnıñ 9 millionı eñbekke qabiletti. 9 mln adamnıñ 70,5%-ı jaldamalı jwmıskerler, 24,5%-ı özin jwmıspen qamtığandar, al 5%-ı jwmıssızdar.

"Eger halıqaralıq statistikağa qaraytın bolsaq, Germaniya men Wlıbritaniyada özin jwmıspen qamtığandardıñ sanı şamamen 10-15%. Pol'şa, Italiya jäne Oñtüstik Koreyada - 20-27%, Qıtayda  50%", - dep salıstırdı Dalenov.

Naqtı cifrlarğa män berer bolsaq, Qazaqstanda 8,6 mln adam jwmıspen qamtılsa, onıñ 4,4 millionı jaldamalı jwmıs istese, 2,2 mln adam özin jwmıspen qamtığan.

Ayta keteyik, 2017 jıldıñ säuir ayında Euraziyalıq ekonomikalıq odaq elderiniñ halıqtı jwmıspen qamtu qızmetiniñ esebine 1,1 mln adam jwmıssız retinde tirkelgenin .   2016 jılmen salıstırğanda Armeniyada jwmıs izdeuşilerdiñ sanı 1,2%-ğa, Belarus'te - 26,1%-ğa, Reseyde - 16,7%-ğa kemise, Qazaqstanda kerisinşe, 10,0%-ğa, Qırğızstanda 2,6%ğa wlğayğan.

“The Qazaq Times”