تومەنگى جالاقى سولتۇستىك قازاقستان مەن جامبىل وبلىسىندا

"جالپى العاندا جالدامالى جۇمىسشىلاردىڭ ۇشتەن ءبىرى 100 مىڭ تەڭگەدەن جوعارى جالاقى الادى. مۇنداي مالىمەتتەر 59 مىڭعا جۋىق ءىرى جانە ورتا كاسىپورىنداردىڭ توقسان سايىن ۇسىنعان ەسەبىنە سايكەس بەرىلەدى. ال جۇمىسشىلارى 100 ادامنان اسپايتىن شاعىن كاسىپورىندارعا كەلەر بولساق، وندا ورتاشا جالاقى 134 مىڭ تەڭگەنى قۇرايدى", - دەدى ۆيتسە-مينيستر.

ونىڭ سوزىنشە، زەرتتەۋ ناتيجەسى بويىنشا قازاقستاندا 13 ملن ۇلكەن ادامنىڭ 9 ميلليونى ەڭبەككە قابىلەتتى. 9 ملن ادامنىڭ 70,5%-ى جالدامالى جۇمىسكەرلەر، 24,5%-ى ءوزىن جۇمىسپەن قامتىعاندار، ال 5%-ى جۇمىسسىزدار.

"ەگەر حالىقارالىق ستاتيستيكاعا قارايتىن بولساق، گەرمانيا مەن ۇلىبريتانيادا ءوزىن جۇمىسپەن قامتىعانداردىڭ سانى شامامەن 10-15%. پولشا، يتاليا جانە وڭتۇستىك كورەيادا - 20-27%، قىتايدا  50%", - دەپ سالىستىردى دالەنوۆ.

ناقتى تسيفرلارعا ءمان بەرەر بولساق، قازاقستاندا 8,6 ملن ادام جۇمىسپەن قامتىلسا، ونىڭ 4,4 ميلليونى جالدامالى جۇمىس ىستەسە، 2,2 ملن ادام ءوزىن جۇمىسپەن قامتىعان.

ايتا كەتەيىك، 2017 جىلدىڭ ءساۋىر ايىندا ەۋرازيالىق ەكونوميكالىق وداق ەلدەرىنىڭ حالىقتى جۇمىسپەن قامتۋ قىزمەتىنىڭ ەسەبىنە 1,1 ملن ادام جۇمىسسىز رەتىندە تىركەلگەنىن .   2016 جىلمەن سالىستىرعاندا ارمەنيادا جۇمىس ىزدەۋشىلەردىڭ سانى 1,2%-عا، بەلارۋستە - 26,1%-عا، رەسەيدە - 16,7%-عا كەمىسە، قازاقستاندا كەرىسىنشە، 10,0%-عا، قىرعىزستاندا 2,6%عا ۇلعايعان.

“The Qazaq Times”