Foto: emer.gov.kz

EKSPO qauipsizdigin qamtamasız etu üşin eldiñ ärtürli öñirlerinen jeke qwramnıñ 300 qwtqaruşısı jäne 33 tehnika birligi keldi. Bwl Ört söndiru jäne avariyalıq-qwtqaru jwmıstarı qızmetiniñ ört söndiruşileri, jedel-qwtqaru jasağınıñ qwtqaruşıları, Apattar medicinası ortalığı şwğıl den qoyu psihologtarı jäne brigadaları, TJ departamentiniñ inspektorlıq qwramı, dep habarlaydı TJ komitetiniñ baspasöz qızmeti. 

Al İşki ister ministriniñ orınbasarı YU.V. Il'in astanalıq qwtqaruşılarğa kömekke kelgen jeke qwram men tehnika jağdayınıñ äzirligin tekserdi.

«Sizderdiñ mindetteriñiz - barlıq josparlanğan is-şaralardıñ ört qauipsizdigin sapalı qamtamasız etu, tuındağan tötenşe jağdaylarğa uaqtılı den qoyu. Jwmıstarıñızdıñ tiisti wyımdastırıluınan memleketimizdiñ imidji qalıptasatın boladı», - dep nwsqau berdi YU.V. Il'in.

Halıqaralıq is-şaranıñ qauipsizdigin qamtamasız etuge jwmıldırılğan, QR İİM TJK küşteri men qwraldarınıñ jalpı sanı 1218 adamdı jäne 118 tehnika birligin, 8 tikwşaqtı qwraydı.

Körme aumağında kün sayın injenerlik-inspektorlıq qwram kezekşilik jürgizetin boladı. Bwdan bölek, körme keşeniniñ aumağında 3 ört söndiru tehnikasın jine Ört söndiru qızmeti jeke qwramınıñ 15 qızmetkerin ornalastıru közdelgen.

Körme aynalasında, jaqın ornalasqan ört söndiru bölimderiniñ aumağında 11 tehnika birligi jäne Ört söndiru qızmetiniñ, Jedel-qwtqaru jasağınıñ Apattar medicinası ortalığınıñ jeke qwramınıñ 46 adamı ornalastırıladı.

«Astana qalasınıñ jasıl beldeuin» qosa alğanda, astanağa irgeles aumaqtı örtke qarsı qorğaudı täulik boyı Aqmola, Qarağandı jäne Pavlodar oblıstarı ört söndiru qızmetterinen tartılğan küşteri qamtamasız etetin boladı.

 “The Qazaq Times”