Foto: aleqt.com

Qazaqstan 2017 jıldıñ qañtar-säuir ayında mwnay öndirisi josparın artığımen orındadı. Energetika ministrliginiñ mälimetinşe, jıldıñ alğaşqı tört ayında öndiris kölemi täuligine 1,715 mln barrel'di qwradı. 

"Jospardıñ artıq orındaluı Qazaqstannıñ iri jobalarındağı öndiriske baylanıstı. Sonday-aq, 1  jartıjıldıqta mwnay kölemin azaytu boyınşa mindettemeler tolıq orındaladı dep boljanıp otır", - dep mälimdedi

Energetika ministrliginen.Al mwnay kölemin tağı toğız ayğa qısqartuğa qatıstı Qazaqstannıñ qanday şeşim qabıldaytını 25 mamır küni Venada bolatın kezdesu kezinde belgili boladı.

Ayta ketyik, bwğan deyin QR Energetika ministri Qanat Bozımbaev Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emestigin mälimdegen. Ministrdiñ sözinşe, Qazaqstan qara altın kölemin qısqartu turalı kelisim ayasında boladı. Alayda şikizat öndirisin endi damıtıp jatqan Qaşağan siyaqtı ken ornınıñ da mümkindikteri eskerilu qajet.

Al OPEK wyımı " Qazaqstan mwnay kölemin şekteuge qatıstı bwrınğı kelisimdi orındamağan boluı mümkin" degen aqparat jariyalarğan. Olar "aldandıq" degendey keyip tanıtqan edi. Kartel'diñ mälimetinşe, Qazaqstan  kelisim ayasındağı kvota boyınşa öndiristi qısqartpağan. Kelisimge säykes, elimiz künine öndiriletin mwnay kölemin 20 mıñ barrel'ge deyin qısqartu kerek edi.

“The Qazaq Times”