قازاقستان 2017 جىلدىڭ قاڭتار-ءساۋىر ايىندا مۇناي ءوندىرىسى جوسپارىن ارتىعىمەن ورىندادى. ەنەرگەتيكا مينيسترلىگىنىڭ مالىمەتىنشە، جىلدىڭ العاشقى ءتورت ايىندا ءوندىرىس كولەمى تاۋلىگىنە 1,715 ملن باررەلدى قۇرادى.
"جوسپاردىڭ ارتىق ورىندالۋى قازاقستاننىڭ ءىرى جوبالارىنداعى وندىرىسكە بايلانىستى. سونداي-اق، 1 جارتىجىلدىقتا مۇناي كولەمىن ازايتۋ بويىنشا مىندەتتەمەلەر تولىق ورىندالادى دەپ بولجانىپ وتىر", - دەپ مالىمدەدى
ەنەرگەتيكا مينيسترلىگىنەن.ال مۇناي كولەمىن تاعى توعىز ايعا قىسقارتۋعا قاتىستى قازاقستاننىڭ قانداي شەشىم قابىلدايتىنى 25 مامىر كۇنى ۆەنادا بولاتىن كەزدەسۋ كەزىندە بەلگىلى بولادى.
ايتا كەتيىك، بۇعان دەيىن قر ەنەرگەتيكا ءمينيسترى قانات بوزىمباەۆ قازاقستان مۇناي كولەمىن قىسقارتۋعا قاتىستى وپەك-پەن بولعان كەلىسىم مەرزىمىن ودان ءارى ۇزارتۋعا دايىن ەمەستىگىن مالىمدەگەن. ءمينيستردىڭ سوزىنشە، قازاقستان قارا التىن كولەمىن قىسقارتۋ تۋرالى كەلىسىم اياسىندا بولادى. الايدا شيكىزات ءوندىرىسىن ەندى دامىتىپ جاتقان قاشاعان سياقتى كەن ورنىنىڭ دا مۇمكىندىكتەرى ەسكەرىلۋ قاجەت.
ال وپەك ۇيىمى " قازاقستان مۇناي كولەمىن شەكتەۋگە قاتىستى بۇرىنعى كەلىسىمدى ورىنداماعان بولۋى مۇمكىن" دەگەن اقپارات جاريالارعان. ولار "الداندىق" دەگەندەي كەيىپ تانىتقان ەدى. كارتەلدىڭ مالىمەتىنشە، قازاقستان كەلىسىم اياسىنداعى كۆوتا بويىنشا وندىرىستى قىسقارتپاعان. كەلىسىمگە سايكەس، ەلىمىز كۇنىنە وندىرىلەتىن مۇناي كولەمىن 20 مىڭ باررەلگە دەيىن قىسقارتۋ كەرەك ەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى