Foto: Today.kz

Birıñğay jinaqtauşı zeynetaqı qorınıñ 71,3 mlrd teñgesiniñ Äzerbayjannıñ problemalı bankine investiciyalanğanı turalı aqparattıñ tarağanına bir apta uaqıt ötti. Bwğan qatıstı deputattar jäne Aqparat jäne kommunikaciyalar ministrligi pikir bildirgen. Alayda qor qarjısına jauap beretin bastı organ Wlttıq bank äli resmi jauap bergen joq. Al BJZQ-nıñ basqarma törağası Nwrbübi Naurızbaeva bwl tikeley Wlttıq banktiñ jwmısı ekenin aytqan. Al Sayasattanuşı Dosım Sätbaev bolsa öziniñ feysbuk paraqşasında BJZQ men Wlttıq bank äli tınış otır dep jazdı.

"Zeynetaqığa qatıstı dau uşığıp jatqanda, mwnday wzaq ünsizdik kümän tudıradı. Bastısı osı mäselege qatıstı qate jauap berilmese bolğanı. Sebebi qazir bwl 2017 jılğı Qazaqstandağı daulı taqırıptardıñ nömiri birinşisi bolıp twr", - deydi Dosım Sätbaev.

Sayasattanuşınıñ sözinşe, bilik endi naşar oyınnan jaqsı nätije şığarudı toqtatu kerek jäne tömendegidey qarpayım äretketterdi orındau qajet:

Birinşiden, jwmsalğan aqşanıñ tiimdiligi turalı saraptama jasalmay jäne qoğamğa qordıñ investiciyalıq portfeliniñ birneşe forması wsınılmayınşa, BJZQ qarjısın Qazaqstannıñ memlekettik jäne kvazimemlekettik jobaların qarjılandıru üşin jwmsauğa  moratoriy engizu.

Ekinşiden, kez kelgen maqsatta zeynetaqı qorınan aqşa alamas bwrın mindetti türjde täjiribe jürgizu, investiciyalau maqsatı turalı jäne birinşi kezekte salımşılar üşin investiciyalaudan bolatın paydanıñ qanday bolatını jöninde  qoğamğa tolıq aqparat taratu. Qazaqstandıqtar şeneunikterdiñ tınış bölimderinde qabıldanatın zeynetaqı aqşasın investiciyalau turalı şeşim qanday principterge negizdeletinin bilui tiis. Jäne qazirgi kezdegi investiciyalıq deklaraciya nege osınday egeske alıp keledi?

Üşinşiden, bolaşaqta zeynetaqı aktivterin basqaru men investiciyalau kezinde bolğan qatelikterge baylanıstı naqtı jauap beretin adamdar turalı tolıq jäne resmi aqparat beru.

Törtinşiden, qazaqstandıqtar ünemi post factum-nan bilip otıratın zeynetaqı şkafındağı "qañqalar" tağı qayda bar ekeni turalı qoğamğa tolıq, resmi aqparat beru.

Osılayşa, Dosım Sätbaev eger bilik azamattardıñ zeynetaqı jüyesine degen senimin qayta qaytarğısı kelse halıqpen ädil äri aşıq söylesu kerektigin ayttı.

Ayta keteyik, osığan deyin BJZQ-nıñ 71,3 mlrd teñgesi nemese 200 mln dollar Äzerbayjan halıqaralıq bankiniñ obligaciyaları üşin salınğanın aytqan bolatınbız. Bloomberg agenttiginiñ mälimetinşe, Äzerbayjannıñ halıqaralıq banki eldegi valyutalıq dağdarıs pen valyutanıñ jetispeuşiligine baylanıstı sırtqı qarızdarın töleudi toqtatqan jäne kredit beruşilermen kelissöz jürgizudi bastaydı. Osıdan soñ Äzerbayjan biligi problemalı bankke salınğan qazaqstandıq zeynetaqı qarjısı qaytarılatının mälimdegen. Qarız Wlttıq qor qarajatınan qaytarıluı mümkin.

"The Qazaq Times"