دوسىم ساتباەۆ: «بجزق مەن ۇلتتىق بانك ءالى تىنىش وتىر»

بىرىڭعاي جيناقتاۋشى زەينەتاقى قورىنىڭ 71,3 ملرد تەڭگەسىنىڭ ازەربايجاننىڭ پروبلەمالى بانكىنە ينۆەستيتسيالانعانى تۋرالى اقپاراتتىڭ تاراعانىنا ءبىر اپتا ۋاقىت ءوتتى. بۇعان قاتىستى دەپۋتاتتار جانە اقپارات جانە كوممۋنيكاتسيالار مينيسترلىگى پىكىر بىلدىرگەن. الايدا قور قارجىسىنا جاۋاپ بەرەتىن باستى ورگان ۇلتتىق بانك ءالى رەسمي جاۋاپ بەرگەن جوق. ال بجزق-نىڭ باسقارما توراعاسى ءنۇربۇبى ناۋرىزباەۆا بۇل تىكەلەي ۇلتتىق بانكتىڭ جۇمىسى ەكەنىن ايتقان. ال ساياساتتانۋشى دوسىم ساتباەۆ بولسا ءوزىنىڭ فەيسبۋك پاراقشاسىندا بجزق مەن ۇلتتىق بانك ءالى تىنىش وتىر دەپ جازدى.

"زەينەتاقىعا قاتىستى داۋ ۋشىعىپ جاتقاندا، مۇنداي ۇزاق ۇنسىزدىك كۇمان تۋدىرادى. باستىسى وسى ماسەلەگە قاتىستى قاتە جاۋاپ بەرىلمەسە بولعانى. سەبەبى قازىر بۇل 2017 جىلعى قازاقستانداعى داۋلى تاقىرىپتاردىڭ ءنومىرى ءبىرىنشىسى بولىپ تۇر", - دەيدى دوسىم ساتباەۆ.

ساياساتتانۋشىنىڭ سوزىنشە، بيلىك ەندى ناشار ويىننان جاقسى ناتيجە شىعارۋدى توقتاتۋ كەرەك جانە تومەندەگىدەي قارپايىم ارەتكەتتەردى ورىنداۋ قاجەت:

بىرىنشىدەن، جۇمسالعان اقشانىڭ تيىمدىلىگى تۋرالى ساراپتاما جاسالماي جانە قوعامعا قوردىڭ ينۆەستيتسيالىق پورتفەلىنىڭ بىرنەشە فورماسى ۇسىنىلمايىنشا، بجزق قارجىسىن قازاقستاننىڭ مەملەكەتتىك جانە كۆازيمەملەكەتتىك جوبالارىن قارجىلاندىرۋ ءۇشىن جۇمساۋعا  موراتوري ەنگىزۋ.

ەكىنشىدەن، كەز كەلگەن ماقساتتا زەينەتاقى قورىنان اقشا الاماس بۇرىن مىندەتتى تۇرجدە تاجىريبە جۇرگىزۋ، ينۆەستيتسيالاۋ ماقساتى تۋرالى جانە ءبىرىنشى كەزەكتە سالىمشىلار ءۇشىن ينۆەستيتسيالاۋدان بولاتىن پايدانىڭ قانداي بولاتىنى جونىندە  قوعامعا تولىق اقپارات تاراتۋ. قازاقستاندىقتار شەنەۋنىكتەردىڭ تىنىش بولىمدەرىندە قابىلداناتىن زەينەتاقى اقشاسىن ينۆەستيتسيالاۋ تۋرالى شەشىم قانداي پرينتسيپتەرگە نەگىزدەلەتىنىن ءبىلۋى ءتيىس. جانە قازىرگى كەزدەگى ينۆەستيتسيالىق دەكلاراتسيا نەگە وسىنداي ەگەسكە الىپ كەلەدى؟

ۇشىنشىدەن، بولاشاقتا زەينەتاقى اكتيۆتەرىن باسقارۋ مەن ينۆەستيتسيالاۋ كەزىندە بولعان قاتەلىكتەرگە بايلانىستى ناقتى جاۋاپ بەرەتىن ادامدار تۋرالى تولىق جانە رەسمي اقپارات بەرۋ.

تورتىنشىدەن، قازاقستاندىقتار ۇنەمى post factum-نان ءبىلىپ وتىراتىن زەينەتاقى شكافىنداعى "قاڭقالار" تاعى قايدا بار ەكەنى تۋرالى قوعامعا تولىق، رەسمي اقپارات بەرۋ.

وسىلايشا، دوسىم ساتباەۆ ەگەر بيلىك ازاماتتاردىڭ زەينەتاقى جۇيەسىنە دەگەن سەنىمىن قايتا قايتارعىسى كەلسە حالىقپەن ءادىل ءارى اشىق سويلەسۋ كەرەكتىگىن ايتتى.

ايتا كەتەيىك، وسىعان دەيىن بجزق-نىڭ 71,3 ملرد تەڭگەسى نەمەسە 200 ملن دوللار ازەربايجان حالىقارالىق بانكىنىڭ وبليگاتسيالارى ءۇشىن سالىنعانىن ايتقان بولاتىنبىز. Bloomberg اگەنتتىگىنىڭ مالىمەتىنشە، ازەربايجاننىڭ حالىقارالىق بانكى ەلدەگى ۆاليۋتالىق داعدارىس پەن ۆاليۋتانىڭ جەتىسپەۋشىلىگىنە بايلانىستى سىرتقى قارىزدارىن تولەۋدى توقتاتقان جانە كرەديت بەرۋشىلەرمەن كەلىسسوز جۇرگىزۋدى باستايدى. وسىدان سوڭ ازەربايجان بيلىگى پروبلەمالى بانككە سالىنعان قازاقستاندىق زەينەتاقى قارجىسى قايتارىلاتىنىن مالىمدەگەن. قارىز ۇلتتىق قور قاراجاتىنان قايتارىلۋى مۇمكىن.

"The Qazaq Times"