Türkolog, filologiya ğılımdarınıñ doktorı Qarjaubay Sartqojawlı

Älemdik türkologiyada ayrıqşa ornı bar ğalım, filologiya ğılımdarınıñ doktorı, professor, bitik tastıñ bilgiri atanğan Qarjaubay Sartqojawlınıñ tört kitabınıñ twsauı kesildi.

18-mamır - Türki jazuı künine oray jäne ğalımnıñ 70 jıldıq mereytoyı qarsañında Astanada L.N.Gumilev atındağı Euraziya wlttıq universitetinde «Bayırğı Türki qwndılıqtarı - 2017» attı halıqaralıq konferenciya wyımdastırıldı. Oğan otandıq türkologtarmen qatar Türkiya, Oñtüstik Koreya, Moñğoliyanıñ belgili ğalımdarı qatısıp, türiktanudıñ özekti mäseleleri men bolaşaq damu bağıttarın talqılap jatır. Sonday-aq, halıqaralıq konferenciyada N.Ä.Nazarbaevtıñ «Bolaşaqqa bağdar: ruhani jañğıru» attı maqalasında körinis tapqan «Tuğan jer»,«Qazaqstannıñ kieli jerleriniñ geografiyası» sındı jobalarına ğılımi twrğıdan üles qosu, türiktildes memleketterdiñ mädeni örkenieti integraciyasın jasau közdelgen.

Sonımen birge, konferenciya ayasında Q.Sartqojawlınıñ «Üysin handığı», «Tas kitaptıñ qwpiyası», «Tasta qalğan tağılım», «Zapiski kazahskogo tyurkologa» attı jaña tört kitabınıñ twsauı kesildi. Mwnda ğalımnıñ köne türik qwndılıqtarın zerttegen ğılımi maqalaları qamtılğan.

Saltanattı şarağaQR Memlekettik sıylıqtıñ iegeri, QR Parlamentiniñ eks-deputatı Aldan Smayıl, L.N.Gumilev atındağı EWU-niñ «Otırar Kitaphanası» ĞZO direktorı, f.ğ.doktorı Twrsın Jwrtbay, WR WĞA akademigi, ğalım, antropolog Orazaq Smağwl, Istanbwl qalasındağı «Yedi Tepe»Universiteti. t.ğ.d., professor Ahmed Taşağıl, (Türkiya), oñtüstikkoreyalıq ğalım Heo Heun Sik sındı ğalımnıñ üzeñgiles dostarı, äriptesteri kelip, jürekjardı lebizderin bildirdi. Ğalım tuıp-ösken Bay-Ölke aymağı äkiminiñ orınbasarı Şärip Qabıl, Bay-Ölke mäslihatınıñ hatşısı Arıstan Serikbolat jäne tarih ğılımdarınıñ kandidatı, aqın Rahmet Swrağan Moñğoliyadan arnayı kelip, Q.Sartqojawlınıñ qazaq tiliniñ, mädenietiniñ jäne dästüriniñ saqtaluına ülken üles qosqanın atap ötti jäne «Bayan-Ölgiy aymağınıñ qwrmetti azamatı» atağın tabıs etti.

Qarjaubay Sartqojawlınıñ esimi közi qaraqtı oqırmanğa jaqsı tanıs. Ol Türik qağanatınıñ memlekettik tiliniñ de, Orhon mätinderiniñ tiliniñ de qıpşaq tili bolğanın däleldep, «Kök Türikter eskertkişiniñ tili wyğır tili» degen twjırımdı teriske şığarğan. Moñğoliyadan köşpendiler mädenieti, köne türik tarihı, jazu emlesine qatıstı qwndı jädigerlerdi Astanağa tasıp, älemde balaması joq «Köne jazu tarihı muzeyin» aşqan. Büginde ol - Kemal Atatürik atındağı Türik tarihı qwrımınıñ (akademiyasınıñ) tolıq müşesi, filologiya ğılımdarınıñ doktorı, Türkitanu jäne Altaytanu ğılımi-zertteu ortalığınıñ direktorı, «Kültegin» sıylığınıñ laureatı.

inform.kz