Foto: Atameken Business Channel

Qazaqstan mwnay kölemin şekteuge qatıstı bwrınğı kelisimdi orındamağan boluı mümkin. OPEK wyımı "aldandıq" degendey keyip tanıtıp otır, dep jazadı Praym agenttigi. 

Kartel'diñ mälimetinşe, Qazaqstan kvota boyınşa kelisim ayasında öndiristi qısqartpağan. Kelisimge säykes, elimiz künine öndiriletin mwnay kölemin 20 mıñ barrel'ge deyin qısqartu kerek eken.

OPEK kelimisdi tolıq orındamadı dep tek Qazaqstan emes, Reseyden de küdiktenip otır.

"Eger Resey 25 mamırda bolatın mwnay kölemin qısqartu merzimin wzartuğa kelisetin bolsa onda Saud Arabiyası men OPEK-ke müşe basqa elder mindetti tolıq orındau üşin Mäskeuge qısım körsetedi. Öytkeni olar özderi uäde etkendey altı ayda öndiristi täuligine 300 mıñ barrel'ge deyin qısqartu kerek edi. Biraq olar bwl uädeni orındamadı", - dep mälimdegen kartel' ökilderi Ekonomikalıq kommissiya keñesiniñ otırısında.

Eske salayıq, bwdan bwrın Resey men Saud Arabiyasınıñ energetika ministrleri Aleksandr Novak men   Haled al'-Falehtıñ birigip jasağan mälimdemesinde 25 mamır küni Venada bolatın kezdesu kezinde mwnay öndirisin  qısqartu kelisiminiñ merzimin 2018 jıldıñ 1 säuirine deyin wzartu turalı wsınıs aytılğan. Kelisim uaqıtın wzartu mäselesi aldın ala 24 mamır küni ministrler kezdesuinde, odan keyin 25 mamır küni OPEK pen oğan müşe emes elder arasında talqılanadı.

Al Qazaqstannıñ Energetika ministri Qanat Bozımbaev Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emestigin mälimdegen. Ministrdiñ sözinşe, Qazaqstan qara altın kölemin qısqartu turalı kelisim ayasında boladı. Alayda şikizat öndirisin endi damıtıp jatqan Qaşağan siyaqtı ken ornınıñ da mümkindikteri eskerilu qajet.

“The Qazaq Times”