فوتو: Atameken Business Channel

قازاقستان مۇناي كولەمىن شەكتەۋگە قاتىستى بۇرىنعى كەلىسىمدى ورىنداماعان بولۋى مۇمكىن. وپەك ۇيىمى "الداندىق" دەگەندەي كەيىپ تانىتىپ وتىر، دەپ جازادى پرايم اگەنتتىگى. 

كارتەلدىڭ مالىمەتىنشە، قازاقستان كۆوتا بويىنشا كەلىسىم اياسىندا ءوندىرىستى قىسقارتپاعان. كەلىسىمگە سايكەس، ەلىمىز كۇنىنە وندىرىلەتىن مۇناي كولەمىن 20 مىڭ باررەلگە دەيىن قىسقارتۋ كەرەك ەكەن.

وپەك كەلىمىسدى تولىق ورىندامادى دەپ تەك قازاقستان ەمەس، رەسەيدەن دە كۇدىكتەنىپ وتىر.

"ەگەر رەسەي 25 مامىردا بولاتىن مۇناي كولەمىن قىسقارتۋ مەرزىمىن ۇزارتۋعا كەلىسەتىن بولسا وندا ساۋد ارابياسى مەن وپەك-كە مۇشە باسقا ەلدەر مىندەتتى تولىق ورىنداۋ ءۇشىن ماسكەۋگە قىسىم كورسەتەدى. ويتكەنى ولار وزدەرى ۋادە ەتكەندەي التى ايدا ءوندىرىستى تاۋلىگىنە 300 مىڭ باررەلگە دەيىن قىسقارتۋ كەرەك ەدى. بىراق ولار بۇل ۋادەنى ورىندامادى", - دەپ مالىمدەگەن كارتەل وكىلدەرى ەكونوميكالىق كومميسسيا كەڭەسىنىڭ وتىرىسىندا.

ەسكە سالايىق، بۇدان بۇرىن رەسەي مەن ساۋد ارابياسىنىڭ ەنەرگەتيكا مينيسترلەرى الەكساندر نوۆاك مەن   حالەد ال-فالەحتىڭ بىرىگىپ جاساعان مالىمدەمەسىندە 25 مامىر كۇنى ۆەنادا بولاتىن كەزدەسۋ كەزىندە مۇناي ءوندىرىسىن  قىسقارتۋ كەلىسىمىنىڭ مەرزىمىن 2018 جىلدىڭ 1 ساۋىرىنە دەيىن ۇزارتۋ تۋرالى ۇسىنىس ايتىلعان. كەلىسىم ۋاقىتىن ۇزارتۋ ماسەلەسى الدىن الا 24 مامىر كۇنى مينيسترلەر كەزدەسۋىندە، ودان كەيىن 25 مامىر كۇنى وپەك پەن وعان مۇشە ەمەس ەلدەر اراسىندا تالقىلانادى.

ال قازاقستاننىڭ ەنەرگەتيكا ءمينيسترى قانات بوزىمباەۆ قازاقستان مۇناي كولەمىن قىسقارتۋعا قاتىستى وپەك-پەن بولعان كەلىسىم مەرزىمىن ودان ءارى ۇزارتۋعا دايىن ەمەستىگىن مالىمدەگەن. ءمينيستردىڭ سوزىنشە، قازاقستان قارا التىن كولەمىن قىسقارتۋ تۋرالى كەلىسىم اياسىندا بولادى. الايدا شيكىزات ءوندىرىسىن ەندى دامىتىپ جاتقان قاشاعان سياقتى كەن ورنىنىڭ دا مۇمكىندىكتەرى ەسكەرىلۋ قاجەت.

“The Qazaq Times”