Foto: ParsToday

Qazaqstan soñğı bir jılda migraciyalıq dağdarısqa tap bolıp, osı eldiñ orıstildi azamattarınıñ 60 payızğa juığı elden köşip ketuge ınta tanıtıp otır. Bwl turalı "Fars" aqparat agenttigi habarladı.

Agenttiktiñ esebi boyınşa, Orta Aziyada twrmıstıq standarttar boyınşa köşbasşı bolğan Qazaqstan soñğı bir jılda qattı migraciyalıq dağdarısqa tap bolğan. Saualnamalardıñ nätijeleri boyınşa, osı eldegi orıstildi azamattardıñ 60 payızğa juığı şetelge köşip ketuge ınta tanıtıp otır.

Qazaqstan Wlttıq ekonomika ministrligi Statistika komitetiniñ mälimeti boyınşa, 2016 jılı Qazaqstannan ketken adamdardıñ sanı 34 mıñ 965 adamğa jetken. Bwl körsetkiş 2015 jılmen salıstırğanda 16,4 payızğa artıq. Sonımen qatar, komitettiñ zertteulerine säykes, köşip ketken jergilikti halıqtıñ sanı 32 mıñ 637 adamğa jetken.

Boljam boyınşa, 2016 jılı 28 mıñ 677 qazaqstandıq Reseyge, 2 mıñ 637 adam Germaniyağa, 393 adam Belorussiyağa, 228 adam Amerika Qwrama Ştatarına, 173 adam Pol'şağa jäne 168 adam Kanadağa köşip ketken.

Al, Qazaqstanğa şetelden köşip keluşilerdiñ de sanı jıl sayın azayıp keledi. Äsirese, körşiles Resey, Qıtay, Özbekstanda twratın etnikalıq qazaqtardıñ köptep köşip keluine jıl sayın özgeriske wşıray beretin Köşi-qon zañı kedergi keltirip otır.

“The Qazaq Times”