رەسەيدە بەنزيننىڭ بولشەك باعاسى 25 ءساۋىر مەن 2 مامىر ارالىعىندا 0,2 %-عا قىمباتتاعان. رەسەيدىڭ مەملەكەتتىك ستاتيستيكا جونىندەگى فەدەرالدى قىزمەتىنىڭ مالىمەتىنشە، جانارماي باعاسى سوڭعى 7 اپتادان بەرى بىرتىندەپ كوتەرىلگەن.
ازىرگە ديزەل وتىنىنىڭ باعاسى تۇراقتى. دەسەكتە جىل باسىنان بەرى بەنزيننىڭ قۇنى 2,7%-عا، ديزەل وتىنىنىڭ باعاسى 2,5%-عا قىمباتتاعان.
باعا وتكەن اپتادا ماسكەۋ قالاسىندا 0,3%-عا كوتەرىلسە، سانكت-پەتەربۋرگتە 0,2%-عا قىمباتتاعان. مىسالى وتكەن اپتادا ماسكەۋدە اي-92 (اي-93) ماركالى بەنزيننىڭ ءليترى 35,00-37,90 رۋبل بولسا، اي-95 ماركاسىنىڭ ءليترى 38,50-42,20 رۋبلدەن جوعارىلاعان. ال سانكت-پەتەربۋرگ قالاسىندا اي-92-ءنىڭ ءليترى 35,00-36,89 رۋبلدەن ساتىلسا، اي-95 ماركاسى 38,70-40,94 رۋبل شاماسىندا ساتىلعان.
رەسەيدە بەنزين ءوندىرىسى 24-30 ءساۋىر ارالىعىندا 11,8%-عا نەمەسە 756,6 مىڭ تونناعا دەيىن وسكەن. ال ديزەل وتىنىن ءوندىرۋ 2,2%-عا، 1 ملن 453,7 مىڭ تونناعا دەيىن ارتقان
ال بۇل قازاقستانعا قالاي اسەر ەتەدى؟ قر ەنەرگەتيكا مينيسترلىگىنىڭ بەنزين باعاسىنىڭ قۇبىلمالىعىنا قاتىستى پىكىرلەرىن ەسكەرەر بولساق، ءبىزدىڭ ىشكى نارىق تىكەلەي رەسەي نارىعىمەن بايلانىستى. مۇنى ەكونوميست عالىم قۇسايىنوۆتىڭ پىكىرىنەن دە اڭعارۋعا بولادى. ول وسى جىلدىڭ اقپان ايىنداعى قازاقستانداعى بەنزين باعاسىنىڭ كوتەرىلۋىن رەسەيدەگى جانارماي باعاسىنىڭ جوعارى بولۋى جانە ۆاليۋتا كۋرسىنىڭ وزگەرۋىمەن بايلانىستى ەكەنىن ايتقان. ياعني رەسەيدە بەنزين قىمباتتاعان بولسا، بىزدە دە باعا وزگەرۋى ىقتيمال.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى