Türkmenstan, Aşhabat äuejayı Foto: etozhizn.ru

2016 jıldıñ 17 qırküyeginde Türikmenstannıñ astanası Aşhabat qalasında el basşısınıñ qatısuımen jañadan aşılğan halıqaralıq äuejaydıñ twsau keser saltanatı ötken bolatın.

Jaqında ğana aşılğanına qaramastan, bwl qwrılıs nısanı büginde «Şığıstıñ marjanı» degen atqa ie bolıp, eñ ädemi äuejay retinde Ginnester rekordı kitabına engen.

Qanattarın keñge jayğan swñqardıñ beynesinde jasalğan 5 qabattı äuejay 192 mıñ şarşı metr aymaqtı alıp jatır. Bwl jerde negizgi terminaldar ornalastırılğan.

Äuejaydıñ barlıq kompleksi 1200 gektar jerde ornalasqan. Erekşe dizaynda jasalğan terminal men ärqaysısı 3800 metr bolatın wşu jolağınan twradı.

Äuejaydan şığa salısımen aldında ondağan fontandardan qwralğan tağı bir arhitektuarlıq tuındını köruge boladı.

"Şığıstıñ keremetiniñ" eki terminalı sağatına eki mıñ adamğa deyin qızmet körsete aladı.

Biikten qarağanda keremet beynege enetin bwl äuejaydıñ qwrılısına 2 milliard dollar qarjı jwmsalğan eken. Biraq bwl qarjı özin tolıqtay aqtadı dep senimdi türde aytuğa boladı.

"The Qazaq Times"