Farmacevtika salasın da monopolister jaylağalı, halıq «qımbat däri izdegenşe, auırmaytın jol izdeuge» köşken. Importqa täueldilik saldarınan, däri-därmektiñ 90%-ı özge memleketterden keledi. Bağa qarıştau sebebiniñ biri de osı.  

Energyprom.kz agenttiginiñ habarlauınşa, biıl därihanalardağı preparattardıñ qwnı 8,2%-ke qımbattağan. Atap aytqanda, vitaminder bir jılda 11,4%-ke, anal'getikter 10,6%-ke, korvalol men antibiotikter 9,3%-ğa östi.

Bağa qwbılu statistikası

Statistika komiteti wsınğan aqparatqa män bereyik. 2015 jıldıñ 12 ayımen salıstırğanda 2016 jıldıñ qañtar-jeltoqsan ayında farmacevtikalıq önimderdiñ bağası 33,2%-ğa qımbattağan. Antibiotikter 34,4%-ğa, vitamindik önimder, 27,3%-ğa, jötelge qarsı şärbattar 46,6%-ğa qımbattağan.

2017 jıldıñ qañtar-mamır aralığında däri-därmek bağasınıñ wübılu statistikası mınaday: farmacevtikalıq önimder 9,8%-ğa, antibiotikter 8,1%-ğa, vitamindik önimder, 4,9%-ğa jötelge qarsı şärbattar 12,4%-ğa qımbattağan. Soñğı on jılda densaulıq salasın qarjılandıru 4 esege ösken. Otandıq farmacevtika narığı 458 mlrd teñgeden assa, onıñ 277 mlrd teñgesi halıqtıñ qarjısı.

 «Qoy, deytin qoja» bolmay twr...

2014 jılı otandıq därilerdiñ ülesin 50%-ğa jetkizu josparlanğan. Alayda bwl maqsat sol küyi orındalmadı. YAğni Qazaqstannıñ däri-därmek öndirisi jıl sayın ortaşa eseppen 32%-ğa ösip otır. 2017 jıldıñ alğaşqı tört ayda öndiris ötken jılmen salıstırğanda 36%-ğa artıp, 6,2 tonnanı qwrağan. Biıl qañtar-qırküyek aralığında Qazaqstanda 56 mlrd teñgeden astam somağa däri şığarılğan.

Teñge qwnsızdanğan sayın, däri-därmek bağası da şarıqtap twr. Däri bağasınıñ qımbat boluına alıpsatarlardıñ da ülesi bar. Öytkeni alıpsatarlar farmaceftika salasında da köp. Olar payız qosıp, sodan payda tauıp jür. Al komitet tek tegin medicinalıq kömek ayasındağı därilerge ğana baqılau jasaydı. Osığan baylanıstı kelesi jıldıñ 1 qañtarınan bastap Densaulıq saqtau ministrligi balalarğa receptpen beriletin barlıq däri-därmekti medicinalıq saqtandıru esebinen tegin beruge niet bildirip otır. Al ministrliktiñ kezekti uädesi men isiniñ qanşalıqtı qabısatındığı uaqıtında bayqala jatar.

"The Qazaq Times"