Paramilitary police officers wear masks as a preventive measure against the COVID-19 coronavirus as they patrol in Beijing's Tiananmen Square on Labour Day, May 1, 2020. - With optimism and a heavy dose of caution, millions of Chinese hit the road or visited newly opened tourist sites for an extended national holiday in a post-coronavirus confidence test. (Photo by GREG BAKER / AFP) (Photo by GREG BAKER/AFP via Getty Images)

اقش ىشكى قاۋىپسىزدىك دەپارتامەنتى 13 قاڭتاردا ستراتەگيالىق ءىس-قيمىل جوسپارىن جاريالادى. اتالعان جوسپاردا قىتاي حالىق رەسپۋبليكاسىنىڭ امەريكا قۇراما شتاتتارىنا توندىرەتىن قاۋىپ-قاتەرىنە جاۋاپ بەرۋ ءۇشىن يمميگراتسيالىق ۆيزالار، ترانسۇلتتىق قىلمىستار، ەكونوميكا مەن ساۋدا جانە ت.ب. سالالارداعى ۆەدومستۆوارالىق، حالىقارالىق ىنتىماقتاستىققا باسا نازار اۋدارۋ كوزدەلگەن.

ىشكى قاۋىپسىزدىك دەپارتامەنتى قىتايدى حالىقارالىق ەرەجە-تارتىپتەردىڭ مۇمكىندىگىنە سۇيەنىپ، قۇراما شتاتتاردىڭ مۇددەسىنە زيان كەلتىردى دەپ ايىپتاعان. دەپارتامەنت مالىمدەمەسىندە ايتىلۋىنشا، قىتاي دسۇ-عا مۇشە بولعاننان باستاپ حالىقارالىق جۇيەگە كىرۋ ءۇشىن ءارتۇرلى ءداستۇرلى ەمەس قۇرالداردى پايدالانعان. ايتالىق، اقش-تىڭ يمميگراتسيالىق جۇيەسى ارقىلى قكپ-ىنا جاقتاس مىڭداعان ادامداردى اقش-قا كىرگىزگەن; اشىق نارىقتا ءتۇرلى ايلا-شارقىلار جاساعان; زياتكەرلىك-مەنشىك قۇقىعىن ۇرلاعان دەگەن سەكىلدى ايىپتاردى العا تارتادى.

ال، ءبىر كۇن بۇرىن جاريالاعان ءىس-قيمىل جوسپارىنا ساي، ىشكى قاۋىپسىزدىك دەپارتامەنتى اگەنتتىكتەرى اقش-تىڭ مەملەكەتتىك دەپارتامەنتىمەن تىعىز جۇمىس ىستەي وتىرىپ، قىتايلىق ستۋدەنتتەر، عالىمدار مەن كاسىپكەرلەردىڭ قۇراما شتاتتاردىڭ زياتكەرلىك مەنشىك قۇقىعىن ۇرلاۋىنا، امەريكالىق كومپانيالارعا زيان كەلتىرۋىنە جول بەرمەۋ باعىتىندا شارالار قابىلدايدى.  قىتايدان كەلەتىن، اسىرەسە قىتايدىڭ اسكەري-ازاماتتىق ينتەگراتسيالىق اكادەميالىق جانە تەحنولوگيالىق باعدارلامالارىنا قاتىساتىن ستۋدەنتتەرگە، عالىمدار مەن كاسىپكەرلەرگە، قىتاي كوممۋنيستىك پارتياسىمەن بايلانىسى بار ادامدارعا وزگە دە  يمميگراتسيالىق ۆيزاعا جۇگىنۋشىلەرگە يمميگراتسيالىق مارتەبە بەرمەۋدى، سوعان قوسا EB-5 ينۆەستيتسيالىق يمميگراتسيا باعدارلاماسىن قاتاڭ باقىلاۋ كۇشەيتەدى.

اقش-تىڭ اتالعان دەپارتامەنتى بۇدان كەيىن امەريكالىق ۋنيۆەرسيتەتتەردەن وقۋ ءبىتىرىپ جاتقان قىتايلىق عالىمدار مەن ينجەنەرلەردى «تاڭدامالى پراكتيكالىق وقىتۋ» (OPT) باعدارلامالارىنا قاتىستىرۋدى شەكتەمەك.

اقش ىشكى قاۋىپسىزدىك دەپارتامەنتى بۇل شارالارعا قوسا، زاڭسىز ميگرانتتاردى، سونىڭ ىشىندە اقش-تا زاڭسىز تۇرىپ جاتقان 40 مىڭ 800 قىتايلىقتى ەلدەن شىعارۋ كەرەك دەگەن شەشىم شىعارعان. اقش-تاعى قىتايلىق ميگرانتتەردى كەرى قايتارۋ ءۇشىن بەيجىڭمەن كەلىسىمگە كەلۋگە كۇش سالماق. ەگەر بەيجىڭ بۇل بويىنشا ىنتىماقتاستىقتان باس تارتسا قۇراما شتاتتار تارابى قاتاڭ شارالار قابىلداۋى مۇمكىن.

اقش ءوزىنىڭ ۇلتتىق قاۋىپسىزدىگى ءۇشىن قىتايدان تونەتىن قاۋىپتەرگە قارسى كەزەكتى شاراسى اسا اۋقىمدى. وندا قىتايدان شىعاتىن شەكارا اتتاعان ەسىرتكى قىلمىسىنا قارسى كۇرەس تە بار. سوعان قوسا، قىتايدىڭ ادام قۇقىعىنا قارسى ارەكەتتەرى ءۇشىن جاۋاپقا تارتۋدى جالعاستىرماق. قىتايدىڭ بىرىككەن ۇلتتار ۇيىمىنىڭ ادام قۇقىقتارى جونىندەگى كەڭەسىنىڭ مۇشەسى بولعانىن ەسكەرە وتىرىپ، اقش ىشكى قاۋىپسىزدىك دەپارتامەنتى دۇنيەجۇزىلىك ساۋدا ۇيىمى، دۇنيەجۇزىلىك كەدەن ۇيىمى، ەكونوميكالىق ىنتىماقتاستىق جانە دامۋ ۇيىمى، دۇنيەجۇزىلىك پوشتا وداعى سياقتى حالىقارالىق ۇيىمدارعا قىتايدىڭ ادام قۇقىقتارىن بۇزعانى تۋرالى فاكتىلەردى ۇسىنا وتىرىپ، حالىقارالىق جانە ۆەدومستۆوارالىق ءىس-قيمىلداردى الىپ بارماق.

“The Qazaq Times”