بۇگىن 31 مامىر. قۋعىن-سۇرگىن قۇرباندارىن ەسكە الاتىن تاريحي كۇن. قازاق تاريحىنداعى ورنى تولماس جوعالتۋلاردىڭ ىشىندەگى اشتىق پەن قاتار اتالاتىن قارالى كۇن. سوناۋ وتكەن عاسىردىڭ قوينىندا قالىپ بارا جاتسا دا، كۇن وتكەن سايىن جارالى رۋحىمىزدىڭ جادىندا جاڭعىرا بەرەدى.
ميلليونداعان قۋعىن-سۇرگىنگە ۇشىراعان حالىقتىڭ ىشىندە قازاقتىڭ جوعالتقانى كوپ. اشارشىلىقتى ايتپاعاندا 100 مىڭ ادام وسى قۋعىن-سۇرگىننىڭ قۇربانى بولدى. توتاليتارلىق جۇيەنىڭ ەلىمىزگە سالعان زيانىن ايتىپ جەتكىزۋ مۇمكىن ەمەس. 20 مىڭ ادام اتىلدى، ولار قازاقتىڭ ءبىرتۋار ازاماتتارى ەدى. ولاردىڭ ىشىندە ءا.بوكەيحان، ا.بايتۇرسىنۇلى، م.تىنىشباەۆ، م.دۋلاتۇلى، ت.رىسقۇلوۆ، م.جۇماباەۆ، س.سەيفۋللين، ءى.جانسۇگىروۆ، ب.مايلين، س.اسفەندياروۆ سياقتى مەملەكەت جانە قوعام قايراتكەرلەرى، اعارتۋشىلار، ۇلت جاناشىرلارى بولدى.
سونداي-اق، وزگە جەردەن سۇرگىندەلىپ كەلگەن باسقا ۇلتتار دا كوپ بولدى، وسىلايشا كوپ ۇلت پەن ۇلىس تۇراتىن ەلگە اينالدىق. قازاق جەرى وزگەلەر ءۇشىن جايلى مەكەنگە اينالدى. يتجەككەنگە ايدالىپ، قانشا قازاقتىڭ سۇيەگى شاشىلىپ دالادا قالدى. قاندى قاساپتىڭ قاسىرەتىن تارتقان ەل بىزدەي-اق بولار. وتكەننەن ساباق الىپ، وزگەنىڭ بودانىنان ارىلاتىن كۇنگە جەتۋگە حاقىمىز بار. وتكەنگە سالاۋات، تىرىگە بەرەكە كەرەك.