كوروناۆيرۋس ىندەتىنىڭ قايتا ءورشىپ، ەۋروپا ەلدەرى كارانتيندىك شەكتەۋلەردى كۇشەيتە باستادى. الايدا، بۇل ەۋروپالىق ازاماتتار جاعىنان كۇشتى قارسىلىققا سەبەپ بولدى، ەۋروپا وداعىنا مۇشە بىرقاتار ەلدەردە نارازىلىق اكتسياسى بولىپ جاتىر. سونىڭ ءبىرى بەلگيا استاناسى بريۋسسەلدەگى نارازىلىق شاراسىندا ون مىڭداعان ادام قاتىستى.
ىندەت جۇقتىرعانداردىڭ كوبەيگەنىنە بايلانىستى ۇكىمەتتەر ەمدەۋدەن وتپەگەن ازاماتتارعا رەستوران، بارلارعا كىرۋگە شەكتەۋ كىرگىزگەن. ازاماتتار بۇنداي شەكتەۋ شاراسىنا نارازىلىق تانىتتى. نارازىلاردىڭ ارەكەتىنەن كەيىن پوليتسيا ولارعا كوزدەن جاس اعىزاتىن گاز بەن سۋ شالۋعا ءماجبۇر بولعان.
بريۋسسەلدەگى نارازىلىق شاراسىنان بۇرىن ءدال وسىنداي اۋقىمدى نارازىلىق نيدەرلاندتا بولىپ ەدى. گاگاداعى نارازىلىقتا دەمونسترانتتار پوليتسيانى ىعىستىرىپ، جانعىز زاتتاردى لاقتىرعان.
بۇعان ۇقساس مىڭداعان ادام قاتىسقان نارازىلىق شەرۋلەرى اۆستريادا، حورۆاتيادا، يتاليادا دا بولدى. ەۋروپالىق ۇكىمەتتەر ەو ەلدەرىندە بىرىنەن كەيىن ءبىرى بولىپ جاتقان نارازىلىق شارالارىن كۇتپەگەنىن مويىنداپ وتىر.
كەي جەردە پوليتسيا مەن نارازى توپ اراسىندا قاقتىعىستار دا بولدى. الايدا، ماسەلەنى تەرەڭدەتپەۋ ءۇشىن كەي ەۋروپالىق ۇكىمەتتەر نارازىلىق شاراسىنا پوليتسيا ارالاستىرماۋعا دا شەشىم قابىلدادى. بريۋسسەلدەگى نارازىلىق شاراسىنان كەيىن بۇل دا دۇرىس شەشىم بولماعانى بايقالدى. نارازىلىق سوڭى تارتىپسىزدىككە ۇلاسىپ كەتكەن جايتتەردە ورىن العان.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟