«تاليبان» قوزعالىسىنىڭ اۋعانستاندا بيلىككە كەلۋى وعان كورشىلەس ەلدەر مەن ايماقتاردى الاڭداتقانى بەلگىلى. وسى اپتا اقش پەن بىرقاتار ەۋروپا ەلدەرى اۋعانستاننان ازاماتتاردى ەۆاكۋاتسيالاۋ بويىنشا ابىگەرگە تۇسپەك. وسى تۇستا رەسەي اۋعانستانداعى وزگەرىستەرگە ەش الاڭداماعان ءتۇر تانىتۋدا.

تالىپتەر كابۋلدى الىسىمەن ورىس ديپلوماتتارى جاعىنان ولارعا ءپوزيتيۆتى پىكىرلەردە ايتىلعان ەدى. «تاليبان» بيلىككە كەلىسىمەن ولارمەن العاشقىلاردىڭ ءبىرى بولىپ تا رەسەي ەلشىسى جيرنوۆ ديالوگ ورناتىپ ۇلگكىرگەن. ءتىپتى، اۋعانستانداعى رەسەيلىك ديپلوماتتار ءوز مالىمدەمەلەرىندە كابۋل قالاسى بۇرىنعىدان الدە قايدا تىنىش دەپ سيپاتتادى. كەشە عانا پرەزيدەنت پۋتين اۋعانستاننىڭ بيلىگىنە تالىپتەر كەلىپ جاتاتىن بولسا ولارمەن دە جۇمىس ىستەۋگە تۋرا كەلەتىنىن دە ايتتى.

بۇنىڭ ءبارى رەسەيدىڭ «تاليباندى» رەسمي بيلىك قاتارى مويىنداماعىنمەن، مامىلەلنى جاقسارتىپ جاتقانىن كورسەتەدى. اۋعانستانداعى ىشكى بيلىكتىڭ كىمدە بولۋىنا قاتتى الاڭدامايتىنىن كورسەتكىسى كەلگەنىمەن، ماسكەۋ ايماقتاعى تۇراقتىلىق ماسەلەسى بويىنشا الاڭدايتىنىن جاسىرا المادى. بۇل ءپۋتيننىڭ اۋعانستاندىق بوسقىندارى تۋرالى پىكىرىندە بايقالدى.

كەيبىر تاۋەلسىز ساراپشىلار پىكىرىنە سايكەس، رەسەيدىڭ بارىنشا تالىپتەرمەن ديالوگ ورنانۋعا، مامىلەنى شىڭداۋعا ارەكەت ەتكەندەي ءتۇر بايقاتۋىنىڭ ءوزى ماسكەۋدىڭ ىشكى قورقىنىشىن كورسەتەدى دەپ سانايدى. سەبەبى، تالىپتەر قانشا جەردەن كەپىلدىك بەرگەنىمەن، ەل ىشىندە تەررورلىق توپتاردىڭ قيمىلىنىڭ باقىلاۋعا الىنۋى ەكىتالاي. اۋعانستانعا جاسىرىنىپ جاتقان «ءال-كايدا» نەمەسە «يسلام مەملەكەتى» سەكىلدى تەررورلىق توپتاردىڭ رەسەيگە جاقىن ورتالىق ازيادا قانداي دا ءبىر قاۋىپتى ارەكەتتەرگە بارىپ جاتقان جاعدايدا، بۇل سول ەلدەردىڭ عانا ەمەس ماسكەۋدىڭ، ءتىپتى قىتايدىڭ دا مازاسىن قازىرارى انىق.

بۇعان قوسا اۋعانستانداعى الەۋمەتتىك داعدارىستىڭ سالماعى بارعان سايىن اۋىرلاپ بارادى. بۇل وسى ەلدەن ميلليونداعان بوسقىنداردىڭ جاقىن ەلدەرگە قاراي اعىمىن قالىپتاستىرۋى ابدەن ىقتيمال. بۇنىڭ ءبارى رەسەيدىڭ ۇزاق شەكاراسىن بەكىتىپ تۇرعان ورتا ازيا ەلدەرىنە سالماق سالادى. سوندىقتان دا ماسكەۋدىڭ اۋعانستانداعى قادامدارى كوزقاراقتى جۇرتتىڭ نازارىندا بولۋعا ءتيىس.

The Qazaq Times