«Taliban» qozğalısınıñ Auğanstanda bilikke kelui oğan körşiles elder men aymaqtardı alañdatqanı belgili. Osı apta AQŞ pen birqatar Europa elderi Auğanstannan azamattardı evakuaciyalau boyınşa äbigerge tüspek. Osı twsta Resey Auğanstandağı özgeristerge eş alañdamağan tür tanıtuda.

Tälipter Kabuldı alısımen orıs diplomattarı jağınan olarğa pozitivti pikirlerde aytılğan edi. «Taliban» bilikke kelisimen olarmen alğaşqılardıñ biri bolıp ta Resey elşisi Jirnov dialog ornatıp ülgkirgen. Tipti, Auğanstandağı reseylik diplomattar öz mälimdemelerinde Kabul qalası bwrınğıdan älde qayda tınış dep sipattadı. Keşe ğana prezident Putin Auğanstannıñ biligine tälipter kelip jatatın bolsa olarmen de jwmıs isteuge tura keletinin de ayttı.

Bwnıñ bäri Reseydiñ «Talibandı» resmi bilik qatarı moyındamağınmen, mämilelni jaqsartıp jatqanın körsetedi. Auğanstandağı işki biliktiñ kimde boluına qattı alañdamaytının körsetkisi kelgenimen, Mäskeu aymaqtağı twraqtılıq mäselesi boyınşa alañdaytının jasıra almadı. Bwl Putinniñ auğanstandıq bosqındarı turalı pikirinde bayqaldı.

Keybir täuelsiz sarapşılar pikirine säykes, Reseydiñ barınşa täliptermen dialog ornanuğa, mämileni şıñdauğa äreket etkendey tür bayqatuınıñ özi Mäskeudiñ işki qorqınışın körsetedi dep sanaydı. Sebebi, tälipter qanşa jerden kepildik bergenimen, el işinde terrorlıq toptardıñ qimılınıñ baqılauğa alınuı ekitalay. Auğanstanğa jasırınıp jatqan «äl-Kaida» nemese «Islam memleketi» sekildi terrorlıq toptardıñ Reseyge jaqın Ortalıq Aziyada qanday da bir qauipti äreketterge barıp jatqan jağdayda, bwl sol elderdiñ ğana emes Mäskeudiñ, tipti Qıtaydıñ da mazasın qazırarı anıq.

Bwğan qosa Auğanstandağı äleumettik dağdarıstıñ salmağı barğan sayın auırlap baradı. Bwl osı elden milliondağan bosqındardıñ jaqın elderge qaray ağımın qalıptastıruı äbden ıqtimal. Bwnıñ bäri Reseydiñ wzaq şekarasın bekitip twrğan Orta Aziya elderine salmaq saladı. Sondıqtan da Mäskeudiñ Auğanstandağı qadamdarı közqaraqtı jwrttıñ nazarında boluğa tiis.

The Qazaq Times