فرانتسيا دا وڭتۇستىك قىتاي تەڭىزىنە يادرولىق تاسىمالداۋشى كەمەلەرىن جىبەردى

فرانتسيا قورعانىس مينيسترلىگى 9 اقپان كۇنى مالىمدەمە جاساپ، فرانتسۋز اسكەري-تەڭىز كۇشتەرىنە تيەسىلى ءبىر يادرولىق شابۋىلداۋشى سۇڭگۋىر كەمە مەن ءبىر سۋ ءۇستى اسكەري كەمەسى وڭۇستىك قىتاي تەڭىزىندە شارلاۋ جۇرگىزىپ، اتالعان تەڭىز الابىنداعى ەركىندىكتى كۇزەتكەنىن حابارلادى. فرانتسيا جاقىن ۋاقىتتاردان بەرى قىتايعا جاقىن تەڭىزگە اسكەري كەمەلەرىن جىبەرگەن ناتو قۇرامىنداعى ءتورتىنشى ەل بولدى.

كەشە تاڭەرتەڭ، ياعني فرانتسۋز قورعانىس مينيسترلىگى حابار تاراتۋدان از عانا ۋاقىت بۇرىن اقش اسكەري-تەڭىز كۇشتەرى مالىمدەمە جاساپ، ەكى بىردەي ۇشاق تاسىمالداۋشى الىپ اسكەري كەمە مەن ونىڭ شابۋىلشى توبى وڭتۇستىك قىتاي تەڭىزىندە اسكەري جاتتىعۋ وتكىزگەنىن حابارلاعان ەدى.

Reuters اگەنتتىگىنىڭ حابارىندا، فرانتسيانىڭ يادرولىق شابۋىلداۋشى كەمەسىنىڭ ارەكەتى اقش وداقتاستارىنىڭ قىتايعا جاقىن سۋ جولدارىنداعى اشىقتىقتى قورعاۋعا شىنداپ كىرىسكەنىن كورسەتەدى دەپ باعالاعان.

فرانتسيانىڭ ۇلتتىق قورعانىس مينيسترلىگى مالىمدەمەسىندە: «بۇل ستراتەگيا اتاپ ايتقاندا، ءىس-قيمىل مىندەتتەمەلەرىنە، ايماقتاعى ەلدەرمەن ىنتىماقتاستىققا جانە قورعانىس ديپلوماتياسىنا نەگىزدەلگەن. بۇل اسىرەسە كوپجاقتىلىقتى، حالىقارالىق قۇقىقتى جانە ءجۇزۋ ەركىندىگى قاعيداتتارىن قولداۋدا وتە پايدالى»، – دەگەن.

“The Qazaq Times”