كورنەكى سۋرەت. فوتو: inbusiness.kz

سارسەنبى كۇنگى وكق-دا وتكەن بريفينگتە دەنساۋلىق ساقتاۋ ۆيتسە-ءمينيسترى اجار عينياتقىزى QT رەداكتسياسىنىڭ ساۋالىنا بەرگەن جاۋابىندا كوروناۆيرۋستىڭ جاناما اسەرىنەن قايتىس بولعاندار 1061-گە جەتكەنىن حابارلادى.

بيلىك اتالعان ساناتتاعى پاتسيەنتتەن پتر تەستى ارقىلى كوروناۆيرۋس انىقتالعانىنا قاراماستان، «باسقا اۋرۋلاردىڭ سەبەبىنەن قايتىس بولعانىن» العا تارتا وتىرىپ، ورتاق ەسەپكە قوسپايدى. ۆەدومستۆو بۇل ينديكاتورعا تيەسىلى دەرەكتى تۇراقتى تۇردە ەمەس، تىلشىلەردىڭ سۇراۋىمەن عانا جاريالايدى.

(!) مينيسترلىك ولاردىڭ ءولىمىن «باسقا دەرتتەردەن بولدى، كوروناۆيرۋس تىكەلەي اسەر ەتپەيدى» دەپ سانايدى. جاۋاپتى ماماندار بۇل جايلى سيرەك ءسوز ەتەدى، ونىڭ وزىندە جۋرناليستەردىڭ سۇراۋىمەن. اقپارات اۆتوماتتاندىرىلماعان. 18 ماۋسىم 54 جاعداي، 2 شىلدە 101, 23 شىلدە 319, 11 قىركۇيەك 576,15 قازان 672, 9 قاراشا 709, 15 جەلتوقسان 764, 26 جەلتوقسان 816 جاعداي، 20 قاڭتار 938-گە، بۇگىن 1061-گە ارتقانى ايتىلدى.

وسىلايشا، رەسمي دەرەككە قاراعاندا، «كوروناۆيرۋس ينفەكتسياسىنىڭ جاناما اسەرىنەن  رەسپۋبليكادا بىلتىرعى 1 ناۋرىز بەن بيىلعى 31 قاڭتار ارالىعىندا 1061 ادام قايتىس بولعانى» بەلگىلى بولدى.

;feature=youtu.be

ونىڭ كەمىندە 700-دەيى قارتتار، وننان استامى بالا جانە بىرەۋى جاڭا بوسانعان ايەل.

بىلتىر قاراشا ايىندا 107, جەلتوقساندا 122 جانە بيىل قاڭتاردا 123 ءولىم تىركەلگەن.

وسى ساناتتا ومىردەن وتكەندەردىڭ دەرەگى جالپى ەسەپكە ەنگىزىلمەيدى. ساراپشىلار مەن ماماندار بۇعان قارسى. مۇنى «ستاتيستيكانى مەيىلىنشە جاقسارتۋدىڭ امالى» دەپ ەسەپتەيدى. ولاردىڭ ايتۋىنشا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى مەن تىنىس الۋ جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرادى. سوڭعى دەرەك بويىنشا،  اۋرۋلار توبى جىكتەلىمىن ۆەدومستۆو بىلاي تاراتادى:

  • تىنىس الۋ جۇيەسىنىڭ اۋرۋلارى – 47%
  • قاناينالىم جۇيەسىنىڭ اۋرۋلارى –32,8%
  • ەندوكريندىك جۇيەنىڭ اۋرۋلارى جانە مەتابوليزمنىڭ – 4,9%
  • جاڭا وسكىندەر – 4,5%
  • نەسەپ-جىنىس جۇيەسنىڭ اۋرۋلارى – 3,2%
  • اس قورىتۋ اعزاسى اۋرۋلارى – 2,5%
  • جۇيكە جۇيەسىنىڭ اۋرۋلارى – 1,6%
  • جۇقپالى جانە پارازيتتىك اۋرۋلار – 1,3%
  • باسقا جاعدايلار – 2,3%

بىلتىر كوروناۆيرۋستىڭ جاناما اسەرىنەن قايتىس بوعلانداردىڭ ەڭ كوبى سقو، شقو جانە قوستاناي وبلىستارىنا، ەڭ كەمى اتىراۋ، ماڭعىستاۋ، اقتوبە وڭىرلەرىنە تيەسىلى.

قازاقستاندا 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 190 مىڭنان، 1 تامىزدان بەرگى كوروناۆيرۋس پنەۆمونياسى 48 مىڭنان اسقان. ددسۇ مالىمەتىنشە، اۋىرعانداردىڭ سانى 237 مىڭعا، ال ۇلتتىق ستاتيستيكادا 238 مىڭعا جەتكەن. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.

پاندەميا باستالعالى جالپى ۆيرۋس جۇققانداردىڭ 4197-ءسى (كۆي+ / U07.1 – 2565, كۆي- / U07.2 – 571, ىلەسپە اۋرۋلاردان – 1061) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 1061 ادامدى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.

"The Qazaq Times"