قىرعىزستان پارلامەنتىنىڭ دەپۋتاتتارى قازىرگى پرەزيدەنت سوورونباي جەەنبەكوۆكە يمپيچمەنت جاريالاۋ تۋرالى باستاما كوتەردى.

«اتا-مەكەن» پارتياسىنىڭ وكىلى قانىبەك يماناليەۆ: «پرەزيدەنتتىڭ يمپيچمەنتىن بىرقاتار دەپۋتاتتار تالاپ ەتىپ وتىر. بۇل ماسەلە كۇن تارتىبىندە قالادى، بىراق ازىرگە تەك باستاما رەتىندە قارالادى. سەبەبى دەپۋتاتتاردىڭ داۋىسىن جيناۋىمىز كەرەك»، – دەيدى.

يماناليەۆ سارسەنبىدە 40-تان استام دەپۋتاتتىڭ قاتىسۋىمەن بۇرىن سايلانعان پارلامەنتتىڭ جاڭا سپيكەرى مىقتىبەك ابدىلداەۆپەن كەزدەسىپ، قازىرگى احۋالدى تالقىلاعانىن ايتتى.

پارلامەنتتە كۆورۋم بولۋى ءۇشىن 60-تان استام دەپۋتات بولۋى قاجەت. قىرعىزستاندا كۆورۋم بەيسەنبىدە وتەدى. قازىر بولاشاق پرەمەر-ءمينيستردى سايلاۋ ءۇشىن داۋىس بەرۋ ماسەلەسى تالقىلانىپ جاتىر.

5 قازاندا بىشكەكتە پارلامەنت سايلاۋىنىڭ ناتيجەسىمەن كەلىسپەيتىن ساياسي پارتيالاردىڭ ميتينگى ءوتتى. ولار 4 قازانداعى سايلاۋدىڭ ناتيجەسىن جارامسىز دەپ تاۋىپ، جاڭا سايلاۋ وتكىزۋدى تالاپ ەتتى. كەيىنىرەك بۇل اكتسيا دەمونسترانتتار مەن قۇقىق قورعاۋ ورگانى قىزمەتكەرلەرى اراسىنداعى قاقتىعىسقا اينالدى.

سول كۇنى نارازى توپ قاماۋدا وتىرعان بىرقاتار ساياساتكەردى تۇرمەدەن بوساتىپ الدى. ولاردىڭ قاتارىندا قىرعىزستاننىڭ پاراقورلىق ايىبىمەن 11 جىلعا سوتتالعان بۇرىنعى پرەزيدەنتى المازبەك اتامباەۆ، بۇرىنعى پرەمەر-مينيستر ساپار يساكوۆ، جوعارعى كەڭەستىڭ بۇرىنعى دەپۋتاتتارى راۆشان دجەەنبەكوۆ جانە سادىر جاپاروۆ بار.

"The Qazaq Times"