قىرعىزستان پرەزيدەنتى سوورونباي جەەنبەكوۆ قىزمەتىنەن كەتۋدەن باس تارتتى.
پرەمەر-مينيستر سادىر جاپاروۆ پرەزيدەنتتىڭ وتستاۆكاعا كەتۋىن تالاپ ەتكەن. الايدا مەملەكەت باسشىسىنىڭ ءباسپاسوز قىزمەتى پرەزيدەنتتىڭ وتستاۆكاعا كەتۋ قۇقىعى جوعىن حابارلاپ، سوورونباي جەەنبەكوۆ تەك جاڭا پارلامەنتتىك سايلاۋدان كەيىن عانا قىزمەتىن بوساتاتىنىن ايتتى.
بۇل جونىندە مالىمەت تاراتقان پرەزيدەنت ءباسپاسوز حاتشىسى تولگوناي ستاماليەۆا: «سوورونباي جەەنبەكوۆ سادىر جاپاروۆپەن كەزدەستى. كەلىسسوز كەزىندە پرەمەر-مينيستر «پرەزيدەنت بۇگىنگى كەشتەن باستاپ قىزمەتىنەن كەتۋى كەرەك» دەدى. پرەزيدەنت جەەنبەكوۆ مۇنداي جاعدايدا كەتۋگە دايىن ەمەسپىن دەپ جاۋاپ بەردى»، – دەيدى.
14 قازاندا قىرعىزستان پارلامەنتى كەزەكتەن تىس وتىرىسىندا سادىر جاپاروۆتى ۇكىمەت باسشىسى ەتۋدى ماقۇلداعان. ول 4 قازاندا وتكەن پارلامەنتتىك سايلاۋدان كەيىنگى ەرەۋىلدەر كەزىندە تۇرمەدەن شىققان بولاتىن.
2013 جىلى قىرعىزستان بيلىگى جاپاروۆتى قۇمتور التىن كەنىشىن مەملەكەت يەلىگىنە الۋ تالابىمەن قاراقول اۋىلىندا ميتينگ ۇيىمداستىرىپ، سول كەزدەگى ىستىقكول وبلىسنىڭ اكىمىن كەپىلگە العان دەگەن ايىپپەن 2017 جىلى تامىزدا سوتتاپ، 11 جىلعا تۇرمەگە قاماعان ەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى