قىتايداعى ەڭ ءىرى قارجى ورتالىعى شانحايدىڭ پۋدوڭ اۋدانى. فوتو; CNN

قىتاي ۇكىمەتى ەلدە كوروناۆيرۋس ينفەكتسياسىنىڭ جاڭا تولقىنى جىلدام تاراپ جاتقانىن مالىمدەدى. ەلدەگى ەڭ ءىرى قالا شانحاي تولىقتاي كارانتينگە جابىلدى.

بۇگىن عانا (28 ناۋرىز دۇيسەنبى) شانحاي قالالىق اكىمشىلىگى جاڭا كوروناۆيرۋستىڭ جىلدام تارالۋىن تەز ارادا اۋىزدىقتاۋ ءۇشىن ەكى فازالى تولىق وقشاۋلاۋ (كارانتين) شاراسى قابىلدانعانىن مالىمدەدى.  تۋرالى جاريالادى.

قابىلدانعان شەشىمگە ساي، دۇيسەنبى-جۇما اراسىندا قالانىڭ پۋدوڭ، پۋنان اۋداندارىندا تولىق كارانتين ەنگىزىلىپ، تۇرعىندارى پتسر تەستتەن وتەدى. ال، قالا باتىسىنداعى پۋشي اۋداندارى ەكىنشى ساتىدا، ياعني جۇما مەن 5 ءساۋىر اراسىندا وسى رەجيمگە كىرگىزىلەدى.

كارانتين تالاپتارىنا ساي قوعامدىق كولىكتەر توقتاتىلدى، تۇرعىندار تۇرعىن ءۇي اۋلاسىنان شىعۋىنا، كوشەدە جۇرۋىنە شەكتەۋ قويىلدى، ءوندىرىس ورىندار تولىقتاي جابىق رەجيمدە نەمەسە ۇيدە جۇمىس ىستەۋ رەجيمىنە وتەدى.

قىتاي دەنساۋلىق ساقتاۋ كوميسسياسىنىڭ دەرەگىنشە، شانحايدا 24 ساعات ىشىندە تىركەلگەن جۇعىمدالۋشىلار سانى 3450 ادامعا جەتىپ، سول كۇنگى تۇتاس ەل كولەمىندەگى انىقتالعان ناۋقاستار سانىنىڭ 67 پايىزىن ۇستاعان.

شانحايدا ىندەتتىڭ جاڭا تولقىنى كەشە عانا بولعان جاعداي ەمەس، سوڭعى بىرەر اپتا بويى كۇرەسىپ كەلە جاتىر. ەلدىڭ ءىرى قارجى ورتالىعى بولعاندىقتان قالانى تولىق وقشاۋلاۋعا جول بەرمەۋگە تىرىسىپ، ايماق كولەمىندە شەكتەۋ شاراسىن ۇستانىپ كەلگەن. قازىر شانحايدىڭ 14 ميلليوننان استام تۇرعىنى تەست تاپسىرىپ بولدى، ولاردىڭ اراسىندا ۆاكتسينا العاندارى دا بار. ال، قالا حالقىنىڭ جالپى سانى شامامەن 26 ميلليوننان اسادى.

The Qazaq Times