فوتو: google.com

الەم بويىنشا كوروناۆيرۋسقا شالدىققاندار سانى 8 ميلليوننان استى.

Bloomberg سايتى ۇسىنعان دەرەكتەرگە سۇيەنسەك، دەرتتەن 436 406 ادام كوز جۇمعان. انتيرەكورد سانى بويىنشا امەريكا كوش باستاپ تۇر. مۇندا 2 ميلليوننان استام ادام ۆيرۋس جۇقتىرعان. اقش، ۇلىبريتانيا، برازيليادا ىندەتتەن اجال قۇشقاندار سانى جوعارى.

قازاقستاندا وتكەن تاۋلىكتە 938 ادامنان ۆيرۋس دەرەگى تىركەلگەن. ونىڭ ىشىندە ىندەت بەلگىلەرى 383 ناۋقاستان انىقتالعان. قالعان 400 ناۋقاستا اۋرۋ سيمپتومسىز. ەلدە ۆيرۋس جۇقتىرعانداردىڭ جالپى سانى 20684-كە جەتتى. ونىڭ 9388-ءى ەمدەلىپ شىقسا، 81 ناۋقاس قايتىس بولعان.

ناۋرىزدا دۇنيەجۇزىلىك دەنساۋلىق ساقتاۋ ۇيىمى قىتايدىڭ ۋحان قالاسىنان تاراعان كوروناۆيرۋس ينفەكتسياسىن پاندەميا دەپ تانىدى. پاندەميا – ءبىر ەلدىڭ تۇتاس اۋماعىن، ىرگەلەس مەملەكەتتەردى، كەيدە ءتىپتى دۇنيەجۇزىنىڭ كوپ ەلىن قامتيتىن ايرىقشا كۇشتى ەپيدەميا. ول – بەلگىلى ءبىر ىندەتتىڭ تۇتاس ءبىر حالىققا جاپپاي جۇعۋى. دۇنيەجۇزىلىك دەنساۋلىق ساقتاۋ ۇيىمى مۇنىڭ الدىندا 2009 جىلى تۇماۋ ۆيرۋسىنىڭ H1N1 سەروتيپىنىڭ («شوشقا تۇماۋى») تارالۋىن پاندەميا دەپ جاريالاعان ەدى.

"The Qazaq Times"