يراننىڭ «ءال قۇدىس» ارنايى وپەراتسياسىنىڭ باسشىسى كاسەم سۇلەيماني. فوتو: اشىق دەرەككوز

يران بيلىگى گەنەرال كاسەم سۇلەيمانيدىڭ قازاسىنا قاتىسى بار دەپ ايىپتالعان ادام ءولىم جازاسىنا كەسىلدى.، – دەپ حابارلايدى يرنا اقپارات اگەنتتىگى.

سوت مالىمدەمەسىندە: «ماحمۇد مۋساۆي مادجد موسسادپەن بايلانىستا بولىپ، سونداي-اق ورتالىق بارلاۋ باسقارماسىنا اسىرەسە قارۋلى كۇشتەردەگى قاۋىپسىزدىك ماسەلەلەرى جايىندا اقپارات بەرىپ وتىرعان. ول شەتەلدىكتەرگە گەنەرال كاسەم سۋلەيمانيدىڭ جۇرگەن جەرى تۋرالى اقپارات بەرگەن، سوت شەشىمىمەن ءولىم جازاسىنا كەسىلدى. جاقىندا جوعارعى سوتتىڭ ەكىنشى ءبولىمى ءولىم جازاسىنا كەسۋ ۇكىمىن ماقۇلدادى. ۇكىم الداعى ۋاقىتتا ورىندالادى»، – دەلىنگەن.

ياعني ايىپتالۋشى اقش پەن يزرايلمەن قۇپيا بايلانىستا بولىپ، سۇلەيماني اسكەرىنىڭ قايدا ەكەنىن جەتكىزىپ وتىرعان. يران يسلام رەۆوليۋتسياسى ساقشىلار كورپۋسىنىڭ ارنايى جاساعى «ءال-قۇدىستى» باسقارعان كاسەم سۇلەيماني 3 قاڭتاردا اقش اسكەرىنىڭ اۋە سوققىسى كەزىندە باعداتتا قازا تاپقان بولاتىن.

"The Qazaq Times"