ۇلىبريتانيا ءوز ەلشىسىنىڭ ۇستالۋىنا بايلانىستى يران بيلىگىنە «حالىقارالىق قۇقىق نورمالارىن بۇزدى» دەپ ايىپ تاقتى.
وسى اپتادا بريتانيانىڭ يرانداعى ەلشىسى روبەرت ماكەر تەھراندا ەرەۋىل ۇيىمداستىرعانى ءۇشىن بىرنەشە ساعاتقا ۇستالعان بولاتىن. Tasnim اگەنتتىگى: «ماكەر ۋنيۆەرسيتەت الدىنداعى شەرۋشىلەر اراسىندا بولدى. ەلشى نارازىلىق شاراسىنا قاتىسۋشىلاردى راديكالدى ارەكەت جاساۋعا شاقىرعانى ءۇشىن ايىپتالدى»، — دەپ حابارلاعان. ەلدىڭ سىرتقى ىستەر ءمينيسترى دومينيك راب تەھراننىڭ بۇل ارەكەتىن سىنعا الىپ، ەلشىنى ەشبىر نەگىزسىز قاماۋعا الۋ حالىقارالىق قۇقىق نورمالارىن بۇزۋ ەكەنىن مالىمدەدى.
8 قاڭتاردا تەھرانداعى حالىقارالىق اۋەجايدان كيەۆكە ۇشىپ شىققان «ۋكراينانىڭ حالىقارالىق اۋە جەلىسى» كومپانياسىنا تيەسىلى «Boeing-737-800» ۇشاعى قۇلادى. ۇشاقتا بولعان 176 ادام: 167 جولاۋشى جانە 9 ەكيپاج مۇشەسىنىڭ ءبارى قازا بولدى. ءدال سول كۇنى بىرنەشە ساعات بۇرىن يران اقش-تىڭ يراكتاعى اسكەري بازالارىن زىمىرانمەن اتقىلاعان. كەيىننەن يران بيلىگى اپاتتى ءوز موينىنا العان سوڭ، ەلدىڭ بىرنەشە ايماقتارىندا نارازىلىق شەرۋلەرى باستالعان. سونىمەن قاتار، ۋاشينگتون تەھرانعا ەكونوميكالىق سانكتسيا ەنگىزدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى