توكيو وليمپياداسى 2 جىلعا كەيىن شەگەرىلۋى مۇمكىن

4 جىلدا ءبىر رەت وتەتىن الەمدىك ەڭ ۇلكەن سپورت دوداسى وليمپيادا ويىندارى بيىل جازدا جاپونيادا وتكىزىلەدى دەپ جوسپارلانعان. الايدا، توكيو وليمپياداسىنا دايىندىق كوميتەتىنىڭ جەتەكشىسى The Wall Street Journal باسىلىمىنا بەرگەن سۇحباتىندا جاڭا ءتاج ءتارىزدى ۆيرۋس ىندەتى ءورشي ءتۇسىپ، حالىقارالىق شاراعا كەدەرگى كەلتىرىپ جاتسا وليمپيادا ءبىر نەمەسە ەكى جىلعا كەشىكتىرىلۋى مۇمكىن ەكەنىن ايتقان.

توكيو وليمپياداسىنا دايىندىق كوميتەتىنىڭ توراعاسى تاكاحاشيدىڭ ايتۋىنشا، ىندەت جاعدايى جالعاستى ءورشي تۇسسە وندا جازعى وليمپياداعا اسەرىن تيگىزۋى مۇمكىن، ولاي بولعاندا سپورتتىق باسەكەنىڭ ۋاقىتى كەيىنگە شەگەرىلەدى. سەبەبى، كورەرمەنسىز وليمپيادا وتكىزۋ تابىسسىز بولعاندىقتان، ونى وتكىزۋشى ەل ءۇشىن ۇلكەن شىعىن كەلتىرەدى. ەگەر بۇنداي بولعاندا شارانىڭ ۋاقىتى ەكى جىلعا دەيىن كەيىن شەگەرىلۋى مۇمكىن، سەبەبى، ءبىر جىل نە ودان قىسقا مەرزىمگە شەگەرىلسە وسىعان دەيىن جوسپارلانعان حالىقارالىق سپورت ويىندارىنىڭ كەستەسىن بۇزادى.

«ۋولل-ستريت جۋرنالىنىڭ» پايىمداۋىنشا، ەگەر توكيو وليمپياداسى ەكى جىلعا كەيىنگە قالدىرىلسا، قىسقى وليمپيادا 2022 جىلى بەيجىڭدە ءوتىپ، سونىڭ جازىندا توكيودا جازعى وليمپيادا وتپەك. ال، الەم كۋبوگى جىلدىڭ سوڭىندا وتەدى.

حالىقارالىق وليمپيادا كوميتەتى بۇعان دەيىن توكيو وليمپياداسى جوسپارلانعانداي 24 شىلدەدە بولادى دەپ سەنىممەن ايتقان بولاتىن.

“The Qazaq Times”