QT رەداكتسياسى جىل باسىندا لاۋازىمىنان بوساتىلىپ، كەيىننەن پارا الدى دەگەن كۇدىكپەن ءىستى بولعان ورىنباسارىنىڭ كىناسى دالەلدەنگەن جاعدايدا وتستاۆكاعا ءوتىنىش جازاتىنىن مالىمدەگەن مينيستر اقتوتى رايىمقۇلوۆانىڭ ماسەلەسى جايلى پرەمەر-مينيستر اسقار ءماميننىڭ اتىنا جولداعان سۇراۋ حاتىنا جاۋاپ الدى.
بيىل مامىردا ۇكىمەت قۇرامىنداعى جالعىز ايەل جانە مادەنيەت جانە سپورت ءمينيسترى سوت ايىپتاۋ ۇكىمىن وقىسا، وتستاۆكاعا كەتۋگە دايىنمىن مالىمدەگەن. ارتىنشا تامىز ايىندا الماتى قالاسى تۇركسىب اۋداندىق سوتى بۇرىنعى ۆيتسە-مينيستر ساكەن مۇسايبەكوۆكە 15 مىڭ دوللار پارا الدى دەگەن ايىپپەن كىنالى دەپ تاۋىپ، 62 ملن تەڭگە كولەمىندە ايىپپۇل سالعان. رەسمي اقپاراتقا قاراعاندا، رايىمقۇلوۆا ۋادەسىن ورىنداعان، بىراق ونى «تاعايىنداعان لاۋازىمدى ادام ءۋاجدى تۇردە باس تارتقان». كونستيتۋتسيانىڭ 65-بابى مەن «ۇكىمەت تۋرالى» كونستيتۋتسيالىق زاڭنىڭ 19-بابى بويىنشا، پرەمەر-مينيستر پرەزيدەنتكە مينكاب قۇرامىنا كانديداتتاردىڭ ءتىزىمىن ۇسىنادى.
«مادەنيەت جانە سپورت مينيسترلىگىنىڭ اقپاراتى بويىنشا، مينيستر اقتوتى رايىمقۇلوۆا بۇرىنعى ۆيتسە-مينيستر س.ج. مۇسايبەكوۆكە قاتىستى سوت ۇكىمىنىڭ زاڭدى كۇشىنە ەنۋىنە بايلانىستى «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭنىڭ 60-بابىنا سايكەس، وتستاۆكاعا كەتۋ تۋرالى ءوتىنىش بەردى. ءوتىنىشتى قاراۋ ناتيجەلەرى بويىنشا وتستاۆكا قابىلدانعان جوق. زاڭنىڭ 60-بابىنىڭ 2-تارماعىنا سايكەس «وتستاۆكادان باس تارتىلعان جاعدايدا ساياسي قىزمەتشى قىزمەتتىك وكىلەتتىكتەرىن اتقارۋدى جالعاستىرۋعا ءتيىس»، – دەلىنگەن ۇكىمەتتىڭ جاۋاپ حاتىندا.
رەداكتسياعا جولدانعان اقپاراتتا وتستاۆكاعا ءوتىنىش قاشان بەرىلگەنى جانە ونى قاناعاتتاندارۋدان قانداي ۋاجبەن كىم باس تارتقانى جونىندە مۇلدە ايتىلماعان. شەشىم قابىلداۋشى توقاەۆ نەمەسە مامين قايسىبىرى ەكەنى بەلگىسىز، قۇقىقتىق اراجىگى ايقىندالماعان.
2019 جىلعى قاراشادا توقاەۆ «مەملەكەتتىك قىزمەت تۋرالى» جانە «جەمقورلىقپەن كۇرەس تۋرالى» زاڭدارعا وزگەرتۋ ەنگىزىپ، قىزمەتكەرى پارامەن ۇستالعان باسشىنى وتستاۆكاعا ارىز جازۋعا مىندەتتەيتىن ەرەجەنى بەكىتكەن. رەسمي دەرەككە قاراعاندا، 2020 جىلى ءارتۇرلى دەڭگەيدەگى 7 اكىم مەن ولاردىڭ ورىنباسارلارى، سونداي-اق 14 وبلىستىق باسقارما باسشىسى مەن ولاردىڭ ورىنباسارلارى قىلمىستىق جازاعا تارتىلعان. بۇدان وزگە بىلتىرعى قاڭتار مەن بيىلعى ناۋرىز ارالىعىندا، 14 ايدا قاراماعىنداعى قىزمەتكەرى جەمقورلىق جاساعانى ءۇشىن 20 ساياسي قىزمەتشىگە شارا قولدانىلعان. تىركەلگەن جانە سوت ۇكىم شىعارعان ىستەردى تولىق ەسەپتەگەندە بۇل ەسەپ الدەقايدا كوپ بولۋشى ەدى. دەگەنمەن زاڭداعى «قاتاڭ مەحانيزم» رەتىندە اسپەتتەلگەن تالاپقا قاراماساتان، بىرقاتار مينيستر مەن اكىم قولاستىنداعى ارىپتەسىنىڭ جەمقورلىعى ءۇشىن وتستاۆكاعا كەتۋدەن جالتارۋدا «جولى بولعان» يا «امالىن تاپقان». تاعايىنداۋشى باسشىنىڭ قاراماعىنداعى قىزمەتكەردىڭ وتستاۆكا جونىندەگى وتىنىشىنەن باس تارتۋ كريتەريلەرى ناقتى ەمەس.
سونىمەن قوسا، قازاقستاندا ادەتتە قوعامدا قاتتى سىنعا ۇشىراپ، ءتىپتى پرەزيدەنتتىڭ وزىنەن قاتاڭ ەسكەرتۋ العان باسشىلاردىڭ ءوزى «ۋاقىتشا مەزەتتىك ۇزىلىستەن» كەيىن ءتۇرلى جوعارى لاۋازىم يەسى بولا بەرەدى. ماسەلەن، بيىل «ۇلى دالا جۇتىنا» بايلانىستى توقاەۆتىڭ ۇسىنىسىمەن وتستاۆكاعا كەتكەن ەكس-اۋىل شارۋاشىلىعى ءمينيسترى ساپارحان وماروۆ بۇگىندە ازىق-تۇلىك كەلىسىمشارت كورپوراتسياسىنىڭ باسقارما توراعاسى قىزمەتىندە. ءدال سول سياقتى قۋاڭشىلىقتان ەڭ كوپ زارداپ شەككەن، ۋاقىتىلى قامدانباعان ماڭعىستاۋ وبلىسىنىڭ وسىعان دەيىنگى اكىمى سەرىكباي ترۇموۆ سەناتور-دەپۋتات مانداتىن يەلەندى. بىراق جوعارىدا باياندالعان اۋىس-ءتۇيىس كەزىندە توقاەۆ جامبىل وبلىسىنىڭ اكىمى بەردىبەك ساپارباەۆقا 2019 جىلى تارازدا وقۋشى زورلانعاننان كەيىن قالا اكىمى قىزمەتىنەن بوساتىلعان قايرات دوساەۆتى باسقارماسى باسشىلىعىنا تاعايىنداعانى ءۇشىن سوگىس جاريالاپ، قاتەلىگىن تۇزەۋدى تاپسىرعان. سول كۇنى-اق ءتۇس اۋا ەكس-اكىمنىڭ باسقارما جەتەكشىلىگىنەن بوساعانى حابارلاندى. مۇنى ساياساتشى ساراپشىلار مەن ازاماتتىق قوعام بەلسەندىلەرى «قوسستاندارتتى ۇستانىم» دەپ سىناعان.
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى