The Economist باسىلىمى جىل سايىن تاعايىندايتىن «جىل مەملەكەتى» نوميناتسياسىندا وزبەكستان توپ جارىپ، «تىڭ رەفورمالار ارقىلى ۇلكەن سەرپىلىس جاساعان مەملەكەت» دەپ باعالاندى. بۇل رەتتە 2016 جىلى پرەزيدەنتتىك لاۋازىمىنا كىرىسكەن شاۆكات ميرزيەەۆتىڭ ەڭبەگى ەلەۋلى دەيدى باسىلىم.
نوميناتسيا اۆتورلارىنىڭ مالىمدەمەسىندە: «وزبەكستان پرەزيدەنتى شاۆكات ميرزيەەۆ بىلتىردان باستاپ جەدەلدەتىلگەن رەفورمالار جۇرگىزە باستادى. كۇشتەپ جۇمىس ىستەۋگە نۇكتە قويدى»، – دەلىنگەن.
وزبەكستانداعى باستى جەتىستىكتەر قاتارىندا «جاسلىك» جازالاردى وتەۋ جونىندەگى مامانداندىرىلعان كولونيانىڭ جويىلۋى، ەلگە شەتەلدىك جۋرناليستەردىڭ بارۋىنا رۇقسات ەتىلۋى جانە پاراقورلىقتىڭ ازايۋى بار. سونىمەن قاتار، وزبەكستاننىڭ وزگە ەلدەردەن وق بويى وزىق بولۋىنا شەتەلدىك تۋريستەردىڭ كوپتەپ اعىلۋى جانە ەكونوميكانى دامىتۋ ءۇشىن ىسكە قوسىلعان باعدارلامالارى ىقپال ەتكەن.
The Economist رەداكتسياسىنىڭ پىكىرىنشە، وزبەكستان ءالى دە تالاي ەڭبەك ەتۋى ءتيىس. بىراق بىردە-ءبىر مەملەكەت وزبەك بيلىگى سىندى 2019 جىلى ايتارلىقتاي ناتيجە مەن وڭ وزگەرىستەرگە قول جەتكىزبەگەن. وتكەن جىلدىڭ قورىتىندىسى بويىنشا باسىلىم رەيتينگىندە «جىل مەملەكەتى» اتانعان ەلدەر قاتارىندا جاڭا زەلانديا، سولتۇستىك ماكەدونيا جانە سۋدان بولدى.
شەتەلدىك ساراپشىلار 2016 جىلى وزبەكستان رەسپۋبليكاسىنىڭ تۇڭعىش پرەزيدەنتى يسلام كارىموۆ قايتىس بولعاننان كەيىن، بيلىك باسىنا كەلگەن شاۆكات ميرزيەەۆ ەلدە بىرقاتار ەلەۋلى جەتىستىكتەرگە قول جەتكىزدى. پرەزيدەنت الەۋمەتتىك سالاداعى جوبالاردى دامىتۋعا جانە ەل ەكونوميكاسىن جانداندىرۋعا باسا نازار اۋدارىپ وتىر. وسى رەتتە جەكە سەكتوردى قولداۋ، كاسىپكەرلىكتى دامىتۋ جانە جەكەشەلەندىرۋدى جانداندىرۋعا باعىتتالعان شارالار قابىلدانعان. سونىمەن قاتار، يننوۆاتسيالىق جاڭالىق اشىپ، زاماناۋي تەحنولوگيالاردى ەنگىزۋگە ەرەكشە كوڭىل بولىنبەك.
2018 جىلى ازيا جۋرناليستەر اسسوتسياتسياسىنىڭ تۇجىرىمىمەن وزبەكستان پرەزيدەنتى شاۆكات ميرزيەەۆ «ۇزدىك ساياساتكەر» نوميناتسياسىندا «جىل ادامى» اتاعىن جەڭىپ العان بولاتىن. «جىل ادامىن» تاڭداۋعا قاتىسقان ادامداردىڭ باسىم كوپشىلىگى ميرزيەەۆتى «ورتالىق ازيا ەلدەرىنىڭ قارىم-قاتىناسىن جاقسارتۋ ارقىلى بەيبىتشىلىك پەن تۇراقتىلىققا تەڭدەسى جوق ۇلەس قوسۋدا» دەپ باعا بەردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى