سولتۇستىك قازاقستان وبلىسى اكىمى قۇمار اقساقالوۆتىڭ توراعالىعىمەن وڭىردە توتەنشە جاعدايداردى الدىن-الۋ جانە جويۋ بويىنشا كوميسسيانىڭ كەزەكتى وتىرىسى ءوتتى. كۇن تارتىبىندە كوكتەمگى سۋ تاسقىنىنا دايىندىق بارىسى قارالدى.
توتەنشە جاعدايلار جونىندەگى دەپارتامەنتتىڭ باسشىسى راميل كامالوۆتىڭ ايتۋىنشا، اۋداندار مەن قالادا 989 بىرلىك تەحنيكا، 207 موتوپومپا، جوعارى ءونىمدى 23 ناسوس دايىن تۇر. 72 مىڭ توننادان اسا ينەرتتىك ماتەريالدار، 34 مىڭ قاپ، 114 توننا جانار-جاعارماي دا دايىندالدى. توتەنشە جاعدايلار جونىندەگى دەپارتامەنت 225 ادام، 45 تەحنيكا، 10 موتوپومپا جانە 10 قايىقتى جۇمىلدىرماق. جاعداي ۋشىقسا باسقا وڭىرلەردەن 273 ادام، 41 تەحنيكا، 11 ءجۇزۋ قۇرالىن تارتۋ كوزدەلگەن.
بۇل جۇمىسقا اۋىل شارۋاشىلىعى قۇرىلىمدارىنىڭ تەحنيكاسىن دا جۇمىلدىرعان ءجون.
«اگروقۇرىلىمداردا قاجەتتى تەحنيكا بار. ولاردىڭ جۇمىسشىلارى سول اۋىلداردا تۇرادى. قيىن جاعداي تۋعان كەزدە بارلىعىمىز ءبىر ادامداي جۇمىلىپ، جۇمىس ىستەۋ قاجەت»، - دەدى قۇمار اقساقالوۆ.
سونداي-اق، بىلتىر سۋ تاسقىنى كەزىندە قايىقتاردىڭ جەتىسپەۋشىلىگى بايقالعان. ءوڭىر باسشىسى بۇگىننەن باستاپ بارلىق ءجۇزۋ قۇرالدارىن جۇمىلدىرۋ كەرەكتىگىن ەسكەرتتى.
قۇمار اقساقالوۆ كوكتەمگى سۋ تاسقىنىنىڭ زارداپتارىن ازايتۋ جانە جويۋ ماقساتىندا وبلىس اكىمىنىڭ ورىنباسارى انتون فەدياەۆكە ءتيىستى شارالاردىڭ دايىندىق بارىسىن ءوز قاداعالاۋىنا الىپ، 20 ناۋرىزعا دەيىن بايانداۋدى تاپسىردى. بۇعان قوسا، ءوڭىر باسشىسى 20 ناۋرىزدان باستاپ اۋماقتىق جۇيەنىڭ جۇمىسىن «كۇندەلىكتى قىزمەت رەجيمىنەن» «جوعارى دايىندىق رەجيمىنە» اۋىستىرۋدى تاپسىردى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى