توقاەۆتىڭ «قىرىم اننەكسياسىن مويىندامايتىنى» تۋرالى مالىمدەمەسىنە ۋكراينا ءسىم دەمارش جولداعانى بەلگىلى. قازاقستاندىق قوعامنىڭ قىزۋ تالقىلاۋىنا تۇسكەن وقيعاعا پرەزيدەنت كەڭەسشىسى ەرلان قارين دە ءوز پىكىرىن ءبىلدىردى.
«ءبىز ءالى دە ايماقتىق (اۋىلدىق) ويلاۋ جۇيەسىنەن زارداپ شەگىپ كەلەمىز. ول ءبىزدىڭ حالىقارالىق جانە سىرتقى ساياسات تاقىرىبىنداعى پىكىرتالاستارىمىزدان انىق بايقالىپ تۇرادى. ۇلتتىق مۇددە تۇرعىسىنداعى جالعان نامىستى ءبىر ساتكە ىسىرىپ قويىپ، شىنداپ، وسىنىڭ قايسى بىزگە پايدالى نەمەسە كەرىسىنشە، ءبىزدىڭ مۇددەلەرىمىزگە بۇل ساي ەمەس قوي دەپ ويلانۋدان گورى، ءبىزدىڭ ساراپشى اۋديتوريا ءۇشىن باسقالاردىڭ ءبىز تۋرالى نە ويلايتىنى، ونى قالاي قابىلدايتىنى، رەنجىپ قالا ما نەمەسە رەنجىمەي مە ەكەن دەگەن سەكىلدى ماسەلەلەر ماڭىزدى بولىپ كەتەدى. سودان كەيىن دە باسقا ەلدىڭ سىرتقى ىستەر مينيسترلىگى جاساعان مالىمدەمەگە دۇرلىگىپ، جوق جاۋدى تاقاتىپ، تۋ-تالاقاي بولىپ شالا ءبۇلىنىپ جاتقاندارى. ايتپەسە بارلىق وسى نوتا، دەمارش دەگەندەرىڭىز – كەرەك كەزدە ءوز رەتىمەن ديپلوماتيالىق ءتارتىپ بويىنشا جاسالاتىن ادەتتەگى جۇمىستار، ول ءۇشىن تۇنەكتى ءتوندىرۋدىڭ ەش قاجەتى جوق»، – دەيدى ول تelegram-داعى پاراعىندا.
قارين جۇرگىزىپ جۇرگەنىنە ءۇش جىلعا جۋىقتاعان تelegram پاراعىنداعى جازبالاردىڭ تۇگەل دەرلىگى ورىس تىلىندە جازادى.
ول قازاقستاندىقتار پراگماتيك بولۋى كەرەك دەپ سانايدى.
«شىنىمدى ايتسام، بۇل ءبىزدى قىزىقتىراتىن سوڭعى ماسەلە بولۋى كەرەك، ءبىز پراگماتيك بولۋىمىز ءتيىس، ەڭ ءبىرىنشى كەزەكتە باسقالاردىڭ پىكىرىنە ەمەس، ءوز مۇددەمىزگە قاراي بەيىمدەلۋىمىز كەرەك، بارلىعىنا بىردەي جاعۋعا تىرىسۋدىڭ كەرەگى جوق»، – دەپ ءسوزىن تۇيىندەدى ول.
گەرمانياعا مەملەكەتتىك جۇمىس ساپارى قارساڭىندا پرەزيدەنت توقاەۆ Deutsche Welle تەلەارناسىنا بەرگەن سۇحباتىندا ۋكرايناداعى وقيعالارعا ءوزىنىڭ كوزقاراسى تۋرالى ايتقان بولاتىن. مەملەكەت باسشىسى «قىرىمدا بولعان جايتتى اننەكسيا دەپ ايتپايمىز. بولاتىن نارسە بولدى. اننەكسيا ءسوزى قىرىمعا قاتىستى قولدانۋ ءۇشىن تىم اۋىر» دەگەن بولاتىن.
كەيىن ۋكراينانىڭ سىرتقى ىستەر مينيسترلىگى قازاقستان پرەزيدەنتىنىڭ بۇل مالىمدەمەسىنە دەمارش جولداپ, كيەۆتەگى قازاقستاندىق كونسۋلدى شاقىرتىپ ارنايى كەزدەسۋ جۇرگىزگەن.
ەرلان قاريننىڭ تelegram پاراعىنان سكرينشوت قيىندى. فوتو: تelegram جەلىسىنەن
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟