Toqaevtıñ keñesşisi Erlan Qarin. Foto: aşıq derekköz

Toqaevtıñ «Qırım anneksiyasın moyındamaytını» turalı mälimdemesine Ukraina SİM demarş joldağanı belgili. Qazaqstandıq qoğamnıñ qızu talqılauına tüsken oqiğağa prezident keñesşisi Erlan Qarin de öz pikirin bildirdi.

 «Biz äli de aymaqtıq (auıldıq) oylau jüyesinen zardap şegip kelemiz. Ol bizdiñ halıqaralıq jäne sırtqı sayasat taqırıbındağı pikirtalastarımızdan anıq bayqalıp twradı. Wlttıq müdde twrğısındağı jalğan namıstı bir sätke ısırıp qoyıp, şındap, osınıñ qaysı bizge paydalı nemese kerisinşe, bizdiñ müddelerimizge bwl say emes qoy dep oylanudan göri, bizdiñ sarapşı auditoriya üşin basqalardıñ biz turalı ne oylaytını, onı qalay qabıldaytını, renjip qala ma nemese renjimey me eken degen sekildi mäseleler mañızdı bolıp ketedi. Sodan keyin de basqa eldiñ Sırtqı ister ministrligi jasağan mälimdemege dürligip, joq jaudı taqatıp, tu-talaqay bolıp şala bülinip jatqandarı. Äytpese barlıq osı nota, demarş degenderiñiz – kerek kezde öz retimen diplomatiyalıq tärtip boyınşa jasalatın ädettegi jwmıstar, ol üşin tünekti töndirudiñ eş qajeti joq», – deydi ol telegram-dağı parağında.

Qarin jürgizip jürgenine üş jılğa juıqtağan telegram parağındağı jazbalardıñ tügel derligi orıs tilinde jazadı.

Ol qazaqstandıqtar pragmatik boluı kerek dep sanaydı.

«Şınımdı aytsam, bwl bizdi qızıqtıratın soñğı mäsele boluı kerek, biz pragmatik boluımız tiis, eñ birinşi kezekte basqalardıñ pikirine emes, öz müddemizge qaray beyimdeluimiz kerek, barlığına birdey jağuğa tırısudıñ keregi joq», – dep sözin tüyindedi ol.

Germaniyağa memlekettik jwmıs saparı qarsañında prezident Toqaev Deutsche Welle telearnasına bergen swhbatında Ukrainadağı oqiğalarğa öziniñ közqarası turalı aytqan bolatın. Memleket basşısı «Qırımda bolğan jayttı anneksiya dep aytpaymız. Bolatın närse boldı. Anneksiya sözi Qırımğa qatıstı qoldanu üşin tım auır» degen bolatın.

Keyin Ukrainanıñ sırtqı ister ministrligi Qazaqstan prezidentiniñ bwl mälimdemesine demarş joldap, Kievtegi qazaqstandıq konsuldı şaqırtıp arnayı kezdesu jürgizgen.

Erlan Qarinniñ telegram parağınan skrinşot qiındı. Foto: telegram jelisinen

"The Qazaq Times"