اقوردادا ۇلتتىق كەڭەس مۇشەلەرىنىڭ ۇسىنىستارىن تالقىلاۋ جوسپارىنا سايكەس العاشقى جيىن ءوتىپ، ميتينگ تۋرالى زاڭ تالقىلاندى. بۇل تۋرالى پرەزيدەنتتىڭ كەڭەسشىسى ەرلان قارين حابارلادى.
جيىندا قارالعان نەگىزى ماسەلە – ميتينگ تۋرالى قولدانىستاعى زاڭدى جەتىلدىرۋ بولدى. تاياۋدا پرەزيدەنت قاسىم-جومارت توقاەۆ حالىققا جولداۋىندا جانە كەڭەستىڭ العاشقى وتىرىسىندا بەيبىت ميتينگ وتكىزۋگە رۇقسات بەرۋ كەرەكتىگىن ايتقان بولاتىن. وسى رەتتە ۇلتتىق كەڭەس مۇشەلەرى زاڭعا وزگەرىس ەنگىزەتىن ۋاقىت جەتكەنىن، سونداي-اق بۇقارالىق سيپاتتاعى ءىس-شارالاردى تۇرلەرىنە قاراي جىكتەپ، بەيبىت باسقوسۋلاردى وتكىزۋگە رۇقسات بەرۋ ءۇردىسىن جەڭىلدەتۋ كەرەكتىگىن ايتقان.
قازاقستاندا جىل باسىنان بەرى نارازىلىق اكتسيالارى اي سايىن وتۋدە. اقپاندا كوپ بالالى انالار ميتينگىسىنەن باستالعان قارسىلىق اكتسيالارى ماۋسىم ايىندا «پرەزيدەنت سايلاۋىنا نارازىلىق»، قىركۇيەكتىڭ باسىندا «قىتاي ەكسپانسياسىنا قارسىلىق» ميتينگىلەرىمەن جالعاسقان. اسىرەسە، 9,10,11,12 ماۋسىمدا الماتى، نۇر-سۇلتان (استانا), شىمكەنت، اقتوبە سياقتى ءىرى قالالاردا كەزەكتەن تىس پرەزيدەنت سايلاۋىنا قارسى ءىرى ميتينگتەر وتكەن. وعان مىڭداعان ادام قاتىسىپ، اقىرى جاپپاي ۇستالۋلارعا ۇلاسقان.
بىلتىر شەتەلدىك ساراپشىلار قازاقستان مەن رەسەيدە الداعى جىلدارى الەۋمەتتىك ماسەلەلەردىڭ ۋشىعۋىنا بايلانىستى حالىقتىق تولقۋلار جيىلەيتىنىن بولجاعان. سونىمەن قاتار، حالىقارالىق Human Rights Watch ادام قۇقىقتارىن قورعاۋ ۇيىمى قىركۇيەكتەگى ۇستاۋلار مەن تۇتقىنداۋلاردى سىنعا الىپ، پرەزيدەنت توقاەۆتىڭ «ساياسي رەفورمالار جۇرگىزۋ جايلى» سايلاۋ كەزىندەگى ۋادەسىنە بايلانىستى ەلدە رەفورما جاساۋعا شاقىردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟
