"ايداھاردىڭ ءامىرشىسى" انيماتسيالىق ءفيلمى قازاقشا دۋبلياجدالدى

9 ناۋرىز كۇنى ەلىمىزدىڭ بارلىق كينوتەاترلارىندا ۋكراينالىق انيماتورلاردىڭ بىرەگەي تۋىندىسى - "ايداھاردىڭ ءامىرشىسى" ءفيلمى كورەرمەنگە جول تارتپاق. 

ەرتەگى  الەمىندەگى كەيىپكەرلەرگە جان ءبىتىرىپ، نيكيتا اتتى بالانىڭ باسىنان كەشكەن تاڭعاجايىپ وقيعاسى باياندالاتىن بۇل فيلم بالالار مەن ۇلكەندەردىڭ دە كوڭىلىنەن شىعاتىنى ءسوزسىز. تۋىندى 2016 جىلدىڭ سوڭىندا  جارىققا شىعىپ، العاش ۋكراينا، سودان، پولشا، تۇرىك  كورەرمەندەرىنىڭ ىستىق ىقىلاسىنا بولەنىپ ۇلگەرگەن.

فوتو: qazaqtimes.com
"ايداھاردىڭ ءامىرشىسى" ءفيلمىنىڭ كورسەتىلىمى

بۇگىندە "ايداھاردىڭ ءامىرشىسى" ۆەتنام، ەستونيا، لاتۆيا، ليتۆا، ۆەنگريا، رەسەي جانە قازاقستان  سەكىلدى 40-تان استام ەلدە كورسەتىلمەك. فيلم قازاق تىلىنە اۋدارىلىپ، تەاتر جانە كينو اكتەرلارىنىڭ قاتىسۋىمەن كاسىبي دۋبلياجدالعان بولاتىن. كارتيناداعى باستى كەيىپكەردى - "قازاقستان داۋىسى" جوباسىنىڭ جەڭىمپازى دىنمۇحامەد داۋلەتوۆ دىبىستادى.

وسى ۋاقىتقا دەيىن 270 مىڭنان استام ادام تاماشالاعان انيماتسيالىق تۋىندى قازاقستاندىق پروكاتقا قازاق جانە ورىس تىلدەرىندە 9 ناۋرىزدان باستاپ شىعادى.

«The Qazaq Times»