فوتو: https://i.ytimg.com

پرەزيدەنت شەشىمىمەن ارىستانبەك مۇحامەديۇلى قازاقستان رەسپۋبليكاسى ۇلتتىق مۋزەيىنىڭ ديرەكتورى قىزمەتىنە تاعايىندالدى.

ال وسىعان دەيىن ديرەكتور قىزمەتىن اتقارعان الماز نۇرازحان قىزمەتىنەن بوساتىلدى. 17 ماۋسىمدا قازاقستان پرەزيدەنتى قاسىم-جومارت توقاەۆ ا.مۇحامەديۇلىنىڭ ورنىنا اقتوتى رايىمقۇلوۆانى مادەنيەت جانە سپورت ءمينيسترى قىزمەتىنە تاعايىنداعان. بۇل كۇنى ءماجىلىستىڭ مادەني-الەۋمەتتىك دامۋ كوميتەتى 55 جاستاعى رايىمقۇلوۆانى وسى قىزمەتكە تاعايىنداۋ تۋرالى كەلىسىم بەرگەن.

ايتا كەتەيىك، ا.مۇحامەديۇلى مادەنيەت جانە سپورت ءمينيسترى لاۋازىمىن اتقارىپ جۇرگەندە، «الاڭعاسار مينيستر» اتانىپ ۇلگەرگەن. ماسەلەن، ءبىر جيىندا ول بۇرىنعى پرەزيدەنت نازارباەۆتىڭ الدىنا شىعىپ كەتسە، ۇكىمەت وتىرىستارىنىڭ بىرىندە ونى «نۇرسۇلتانوۆيچ» دەپ، كۇلكىگە قالعان.

"The Qazaq Times"