ەۋرازيا استانالارىنداعى اقىن-جازۋشىلار فورۋمى. فوتو: اقبەرەن ەلگەزەكتىڭ الەۋمەتتىك جەلى پاراقشاسىنان.

وتكەن اپتانىڭ سوڭىندا ەلىمىز استاسىندا ەۋرازيا استانالارى قالامگەرلەرىنىڭ فورۋمى ءوتتى. فورۋمعا ەۋرازيانىڭ 20-دان استام ەلىنەن ادەبيەت وكىلدەرى جينالدى. ادەبي فورۋمدا ادەبيەت پەن ءسوز ونەرىنىڭ وتكەنى مەن بۇگىنى، كەلەشەگى تالقىلاندى.

اتالعان فورۋم وسى جازدىڭ ەڭ ۇلكەن ادەبي جاڭالىعى رەتىندە باعالانۋدا. ادەبي شارانىڭ پلەنارالىق ماجىلىسىنە قر مادەنيەت ءمينيسترى اقتوتى رايىمقۇلوۆا، ەلوردامىزدىڭ اكىمى التاي كولگىنوۆ، پرەزيدەنت كەڭەسشىسى ماقسات سقاقوۆ قاتارلى رەسمي تۇلعالاردا قاتىسقان.

فورۋم پروزا، پوەزيا، دراماتۋرگيا سىندى ادەبيەتتىڭ نەگىزگى سالالارىنا قاراي بىرنەشە سەكتسيالارعا ءبولىنىپ وتكىزىلگەن. ءار، ەلدەن كەلگەن قالامگەرلەر اشىق پىكىرسايىسقا ءتۇسىپ، ادەبيەت بولاشاعى تۋرالى قۇندى ويلارىن ورتاعا سالعان.

سونداي-اق، فورۋم بارىسىندا شەتەلدىك جازۋشىلار مەن ەلىمىزدەگى ادەبي بىرلەستىكتەر، باسپالار اراسىندا مەموراندۋمدارعا قول جەتكىزگەن. ايتالىق، قازاقستان جازۋشىلار وداعىنىڭ استانالىق فيليالى جانە «فوليانت» باسپاسى يسپانيالىق اقىن حۋستو حورحەمەن ۇشجاقتى مەموراندۋمعا قول قويىپ، ابايدىڭ 100 ولەڭىن يسپان تىلىنە اۋدارۋعا كەلىسكەن. بۇدان تىس بىرقاتار شەتەلدىك اقىن-جازۋشىلار قازاقستانداعى ادەبي سىيلىقتارمەن ماراپاتتالعان.

“The Qazaq Times”