ەلوردانىڭ ىرگەسىندە ورنالاسقان اقمولا وبلىسى تسەلينوگراد اۋدانى قاراجار اۋىلى تۇرعىندارى 11 مامىردا بلوكپوستى اشۋدى نە وزدەرىن قالاعا كىرگىزۋدى تالاپ ەتىپ، استاناعا كىرەبەرىس جولدى جاپتى. قالادان نە بارى ەكى شاقىرىم قاشىقتا بولسا دا اۋىلدا نە جارىق، سۋ نە ينتەرنەتى جوق اۋىل تۇرعىندارى ناپاقاسىن ەل استاناسىنا قاتىناپ تاۋىپ كەلگەن-ءدى. كەشە توتەنشە جاعداي اياقتالعانىمەن كارانتين ارى قاراي ءسوزىلاتىنىن ايتقان ەل بيلىگى قالالارعا كىرىپ-شىعۋ تەك ارنايى رۇحسات پەن عانا بولاتىنىن ەسكەرتكەن بولاتىن.
ايما-اي تولەيتىن پاتەر اقىسى مەن ءىشىپ-جەيتىن تاماعىنان تارىققان جۇرت قالاعا كىرگىزۋدى شەشىپ بەرمەسە نارازىلىقتارىن توقتاتپايتىنىن ەسكەرتتى.
قالاعا كىرگىزۋدى تالاپ ەتكەن جۇرتقا تسەلينوگراد اۋدانى اكىمى باحيدبەك وسپانبەكوۆ كەلىپ، استانا قالاسى اكىمدىگىمەن سويلەسكەنىن، ءتىزىم جاسالسا، رۇقسات بەرىلەتىنىن ايتتى. بىراق وعان سەنبەيتىنىن ايتقان اۋىل ادامدارى تاراۋدان باس تارتىپ ەكى ساعاتتاي كەتپەدى.
نارازى جۇرتتى پوليتسەيلەر مەن ارنايى جاساق باقىلاپ تۇردى. قاراجار اۋىلى اكىمى كەلىپ جۇرتتى تىنىشتاندىرۋعا تىرىسىپ، تۇرعىنداردى اۋىل پۋنكتىنە جينالىپ تىزىمگە تىركەلۋگە شاقىردى. كۇن استىندا تۇرىپ شارشاعان جۇرت اقىرى كونىپ، اۋىلدارىنا قاراي كەتتى.
قازاقستان دەنساۋلىق ساقتاۋ مينيسترلىگىنىڭ مالىمەتىنشە، ەلدە ۆيرۋس جۇقتىرعاندار 5207 ادام بولدى. 2074 ادام دەرتتەن ايىقتى. 32 ادام قايتىس بولدى. ەلدە ۆيرۋس تاراۋىنا بايلانىستى 16 ناۋرىزدان – 11 مامىرعا دەيىن توتەنشە جاعداي بولدى. بۇل – قازاقستان تاريحىنداعى ۇزاققا سوزىلعان العاشقى تج رەجيمى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟