ۆەنەسۋەلاداعى ساياسي-الەۋمەتتىك، ەكونوميكالىق داعدارىسقا بايلانىستى، ەل ازاماتتارىنىڭ شەت مەملەكەتتەرگە قونىس اۋدارۋى كۇن سايىن ارتىپ كەلەدى. ءبىر عانا اقپان ايىنىڭ وزىندە ۆەنەسۋەلا شەكاراسىنان ءار كۇنى 500-دەن استام ادام شىعىپ وتىرعان.

برازيليانىڭ شەكارا قورعانىس تارابى جاساعان مالىمدەمەدە، سوڭعى ءبىر اپتادا ۆەنەسۋەلادان 2 مىڭنان استام بوسقىن برازيليا تەرريتورياسىنا كىرگەن. كاركاستا قاۋىپسىزدىك كۇشتەرى مەن وپپوزيتسيا اراسىنداعى قاقتىعىس بولعان كۇنى جانە ونىڭ ەرتەسىندە برازيليانىڭ سولتۇستىك شەكاراسىنان 1418 بوسقىن تىركەلگەن.

مالىمەتتەرگە قاراعاندا، اقپان ايىندا برازيلياعا ءار كۇنى 474 ادام كىرىپ وتىرعانى ءمالىم بولعان. مادۋرو بيلىگى 21 اقپاندا برازيليامەن شەكارانى جاۋىپ تاستاعان. سوندا دا بوسقىنداردىڭ شەكارا اتتاۋىن توقتاتا الماعان.

“The Qazaq Times”