كەشە ۋكراينادا رەسەيلىك كۇشتەردىڭ قورشاۋىندا قالعان كەيبىر جەرلەردەگى بەيبىت تۇرعىندار قاۋىپسىز ايماققا جەتكىزىلدى. دەگەنمەن، سۋمى قالاسىندا رەسەيدىڭ اۋە شابۋىلىنان 21 ادام كوز جۇمعانى حابارلاندى.
رەسەي قورعانىس مينيسترلىگى چەرنيگوۆ، حاركوۆ جانە ماريۋپول قالالارىندا بەيبىت تۇرعىنداردى تاسىمالداۋعا ارنالعان دالىزدەر قوسىلعانىن مالىمدەدى.
گۋمانيتارلىق ءدالىز بەن بەيبىت تۇرعىنداردى ەۆاكۋاتسيالاۋعا جاسالعان كەلىسىمنەن كەيىن ۋكراينا قالالارىنان قاشىپ شىققانداردىڭ سانى دا كوبەيدى. بۇۇ مالىمەتىنە قاراعاندا، كەشە ۋكراينا شەكاراسىنان شىققان بوسقىندار سانى 2 ميلليوننان اسقان.
رەسەي كۇشتەرىنىڭ ۋكرايناعا باسىپ كىرگەنىنە 2 اپتاعا جۋىق ۋاقىت بولدى. بۇعان دەيىن قالالاردان بەيبىت تۇرعىنداردى ەۆاكۋاتسيالاۋ جۇزەگە اسپاي كەلگەن بولاتىن. دەگەنمەن، ۋكراينا تارابى رەسەيدى بەيبىت تۇرعىنداردىڭ قاۋىپسىز ايماققا شىعىپ كەتۋىنە كەدەرگى قويۋعا تىرىسىپ جاتىر دەپ ايىپتايدى.
ايتالىق، ۋكراينا ءسىم جەتەكشىسى كۋلەبا رەسەيدى ماريۋپولدە «300 مىڭ ادامدى كەپىلگە ۇستاپ وتىر» دەپ ايىپتادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى