فوتو: thenextcambodia.com

Facebook كورپوراتسياسى قىتايداعى ءتورت كومپانيا مەن ءۇش جەكە تۇلعاعا ايىپ تاقتى، – دەپ حابارلايدى Reuters اگەنتتىگى.

مالىمەتتەر بويىنشا، قىتايلىق كومپانيالار وسى ۋاقىتقا دەيىن Linkedln, Amazaon, Twitter, Google, Apple سىندى ونلاين سەرۆيستەر ارقىلى جالعان اككاۋنت اشىپ، ساتۋمەن اينالىسىپ كەلگەن. سونىمەن قاتار، حاكەرلىك شابۋىل جاساعان ۇيىمدار دا انىقتالىپ جاتىر. رەسمي Facebook بۇل ءىس بويىنشا اقش جوعارى سوتىنا شاعىم جولدادى.

2018 جىلى قاڭتار مەن اقپاندا قىتاي بيلىگىنە تيەسىلى حاكەرلەر توبى اقش اسكەري تەڭىز كۇشتەرىنە قاراستى سۇڭگۋىر كەمەلەردىڭ ۇرىس تاسىلدەرىن زەرتتەيتىن «Naval Undersea Warfare Center» ورتالىعىنا شابۋىل جاساپ، كولەمى 614 گيگابايتتىق قۇپيا قۇجاتتاردى قولدى ەتكەن. اتاپ ايتقاندا حاكەرلەر 2020 جىلى اقش اسكەر تەڭىز كۇشتەرىنىڭ ارسەنالىنا ەنۋى ءتيىس كەمەلەرگە قارسى قولدانىلاتىن دىبىستان جىلدام زىمىرانداردىڭ قۇپيا قۇجاتتارىن ۇرلاعان. سونىمەن قاتار، بىلتىر قىتايلىق حاكەرلەر قۇراما شتاتتارىنىڭ مەملەكەتتىك قۇريالارىن، NASA زەرتحاناسىندا ساقتالعان اسكەري-تەڭىز كۇشتەرى جانە ەنەرگەتيكا مينيسترلىگىنىڭ مالىمەتتەرىن قولدى ەتكەن. الايدا، بەيجىڭ بۇل ايىپتاردى نەگىزسىز دەپ مالىمدەپ وتىر.

"The Qazaq Times"