Telegram مەسسەندجەرىنىڭ نەگىزىن قالاۋشى پاۆەل دۋروۆ Facebook جانە Instagram الەۋمەتتىك جەلىلەرى مەن WhatsApp مەسسەندجەرىنىڭ ىستەمەي قالعان كەزدە ءوز سەرۆەرىنە تىركەلگەندەر قاتارى رەكوردتىق ماندە ميلليونداپ ارتقانىن حابارلادى.
«Telegram-نىڭ كۇندە0لىكتى ءوسۋ قارقىنى نورمادان بىرنەشە ەسە اسىپ كەتتى جانە ءبىر كۇندە وزگە پلاتفورمالاردان 70 ميلليوننان استام «بوسقىن قولدانۋشىلاردى» قابىلدادىق»، – دەپ جازدى پاۆەل دۋروۆ ءوز ارناسىندا.
ونىڭ ايتۋىنشا، سولتۇستىك جانە وڭتۇستىك امەريكاداعى پايدالانۋشىلاردىڭ كوبى مەسسەندجەردى قولدانۋ كەزىندە جەلى قىزمەتى باياۋلاۋى مۇمكىن. دۋروۆ مۇنى ءبىر مەزەتتە كوپتەگەن قولدانۋشىنىڭ تىركەلۋىمەن بايلانىستىرادى. ول «باسقالار سياقتى ىڭعايسىز جاعدايعا قالدىرمايمىز» دەپ جازدى.
Facebook سەرۆەرىنىڭ يەسى مارك تسۋكەربەرگ الەمدىك كولەمدەگى اقاۋدىڭ سالدارىنان اكتسيا قۇنى قۇلدىراپ، شامامەن 7 ميلليارد دوللار قارجىدان ايىرىلعان.
4 قازاندا Facebook سەرۆيستەرى كەمىندە التى ساعاتقا ىستەن شىققان. تانىمال جەلىلەردىڭ جاھاندىق ىركىلىسىنە Facebook داتا-ورتالىقتارى اراسىنداعى جەلى ترافيگىن ۇيلەستىرۋگە جاۋاپ بەرەتىن ماگيسترالدى مارشرۋتتاردى وزگەرتۋ كەزىندە تەحنيكالىق اقاۋ تۋىپ، كونفيگۋراتسياسى وزگەرۋى سەبەپ بولعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟