الەمدە كەڭىنەن قولدانىلاتىن Facebook, Instagram جانە WhatsApp جەلىلەرىنىڭ جۇمىسى بەلگىلى ءبىر كەزەڭگە ناشارلاپ، باياۋلاعانى بايقالدى. بۇل جايلى DownDetector مونيتورينگ رەسۋرسى حابارلادى.
پايدالانۋشىلار سەرۆەرگە قوسىلۋ جانە ۆەب-سايتتار مەن قوسىمشالاردى جۇكتەۋ كەزىندە قيىندىقتارعا تاپ بولادى.
سەرۆەرلەر قىزمەتى الماتى ۋاقىتى بويىنشا شامامەن كەشكىسىن 21.00 ساعاتتان باستاپ بىرنەشە ساعاتقا تۇراقسىزداندى.
سونىمەن قاتار، الەۋمەتتىك جەلىلەردەگى اقاۋلار تۋرالى اقش، رەسەي، ۇلىبريتانيا، يزرايل، ارگەنتينا، يتاليا، گەرمانيا، فرانتسيا، يران جانە باسقا ەلدەردىڭ جۇزدەگەن مىڭ قولدانۋشى شاعىمدانعان.
سەرۆيس دەرەگىنە قاراعاندا، Instagram قولدانۋشىلارىنىڭ 76%-ى جاڭالىقتار ارناسىن قاراۋ كەزىندە قيىندىقتارعا تاپ بولعان، 15%-ى سايتقا كىرە الماعان، تاعى 7%-ى ءوز ەسەپتىك جازبالارىنا كىرۋدە قيىندىققا ۇشىراعانىن ايتىپ شاعىمدانعان.
WhatsApp قولدانۋشىلارىنىڭ شامامەن 71%-ى قوسىمشاعا كىرە الماعان، 26%-ىندا حابارلاما الماسۋ قيىنداعان، 1%-ىنا ەسەپتىك جازبا قولجەتىمسىز بولعان.
سونداي-اق، Facebook جانە Facebook Messenger قولدانۋشىلارىنىڭ 41%-ى الەۋمەتتىك جەلىنىڭ جۇمىسىن تولىعىمەن توقتاتقانى تۋرالى حابارلادى، 31%-ى ءوز ەسەپتىك جازبالارىنا كىرە الماسا، تاعى 27%-ىندا جاڭالىقتار ارناسى جۇمىس ىستەمەگەن.
اتالعان پلاتفورمالارعا يەلىك ەتەتىن كومپانيالار جاعدايدى قالپىنا كەلتىرۋگە تىرىساتىنىن مالىمدەدى. بىراق دۇنيەجۇزىلىك اقاۋدىڭ سەبەبى ءالى بەلگىسىز.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟