Ras Aitamyn زەرتتەۋ توبى ەلدە كوروناۆيرۋسقا شالدىققان سىرقاتتاردىڭ 13%-ى تيەسىلى،  «قىزىل ايماققا» ءجيى ەنەتىن الماتى قالاسىندا ىندەت ورشىگەن تۇستا اكىمدىكتىڭ باق بەتتەرىندەگى پروپاگاندا ءۇشىن بيۋدجەتتەن ميللياردتار جۇمساعانىن جازدى.

«الماتى اكىمدىگى كوروناۆيرۋس ىندەتى ورشىگەندە «حابار» ارناسىنداعى 3 مينۋتتىق سيۋجەتكە قانشا تولەگەنىن بىلەسىزدەر مە؟

الماتى اكىمدىگىنىڭ قوعامدىق دامۋ باسقارماسى بىلتىر توتەنشە جاعداي باستالا بەرگەندە «حابار» اگەنتتىگىمەن 22 ملن تەڭگەگە كەلىسىمشارت جاساستى. «حابار» وسى اقشاعا دايىنداعان سيۋجەتتەردىڭ دەنى ساعىنتاەۆتىڭ قىزمەتىن ناسيحاتتايدى. ال مۇنداي ءبىر سيۋجەتتىڭ قۇنى شامامەن ميلليون تەڭگەدەن اسادى. مىسالى، «مەملەكەت باسشىسى جولداۋىنداعى اۋماقتىق دامۋ» تۋرالى 3 مينۋتتىق سيۋجەت (1,5 مينۋتى ورىسشا، 1,5 مينۋتى قازاقشا) ءۇشىن بيۋدجەتتەن 1 100 000 تەڭگە تولەنگەن. ال بىلتىر ماۋسىمدا، الماتىدا توسەك-ورىن مەن ءدارى-دارمەك جەتپەي جاتقان ۋاقىتتا شىققان 12 مينۋتتىق سيۋجەت 4 400 000 تەڭگەگە تۇسكەن.

ساعىنتاەۆ باسقاراتىن اكىمدىك وزدەرىنە قاراستى قالالىق «Almaty» تەلەارناسىنا دا اقشا اياماعان. بىلتىر ناۋرىزدا توتەنشە جاعداي كەزىندە اكىمدىك تەلەارناعا بىردەن 2,3 ميلليارد تەڭگەنىڭ تەندەرىن ءبىر-اق بەردى. تولەم اكتىسىنە قاراعاندا، تەلەارنا اي سايىن اكىمدىكتەن شامامەن 240 ملن تەڭگە الىپ وتىردى.

ال بيىل قاڭتاردا اكىمدىك «Almaty» تەلەراديوكومپانياسى» اق-مەن 437 907 000 تەڭگەگە كەلىسىمشارت جاساستى. بۇل اقشاعا قالالىق تەلەارنا نازارباەۆ، توقاەۆ، پارلامەنت، ۇكىمەت، الماتى اكىمدىگى مەن ءماسليحات جۇمىسىن جانە مەملەكەتتىك باعدارلامالاردى ناسيحاتتايدى.

«Almaty» ارناسى وسى ۋاقىتقا دەيىن العان تەندەر بويىنشا ەكى ەسەپ بەرگەن. 245,6 ملن تەڭگەنىڭ تەندەرى بويىنشا بەرگەن ەسەپكە قاراعاندا، ءبىر سيۋجەتكە تەلەارنا 729 845 تەڭگە العان.

ال جالپى، پاندەميا باستالعالى بەرى «Almaty» تەلەارناسى اكىمدىكتەن 2,8 ميلليارد تەڭگەگە تەندەر العان.

اكىمدىك وزىنە قاراستى «ۆەچەرني الماتى» مەن «الماتى اقشامى» باسىلىمدارىنا دا قامقورلىق جاساپ، بيىل قاڭتاردا كونكۋرس وتكىزبەي-اق وسى باسىلىمدارىنىڭ مەنشىك يەسى – Alatay Aqparat جشس-مەن 112,7 ميلليون تەڭگەگە ءبىر كوزدەن كەلىسىمشارت جاساستى. الماتى اكىمدىگى وزىنە قاراستى باسىلىمدارعا 112,7 ميلليون تەڭگەنى نەبارى ەكى ايعا بەرگەن، كەلىسىمشارتتىڭ مەرزىمى 28 اقپاندا اياقتالعان.

اكىمدىك بۇل باسىلىمدارعا پرەزيدەنت باستامالارى مەن مەملەكەتتىك باعدارلامالاردىڭ ناسيحاتىنا، اكىمدىك پەن ءماسليحات قاۋلىلارىن كوشىرىپ باسقانعا، ءتىپتى وتاندىق تەلەارنالاردىڭ تەلەباعدارلاما كەستەسىن جاريالاعانعا اقشا تولەگەن.

پاندەميا باستالعالى الماتى اكىمدىگى «الماتى اقشامى» مەن «ۆەچەرني الماتى» باسىلىمدارىنا 479,3 ميلليون تەڭگە تەندەر بەرگەن.

سونداي-اق اكىمدىك «Qazaqstan» ۇلتتىق ارناسىنا كونكۋرسسىز 23,9 ملن تەڭگەنىڭ تەندەرىن بەردى. ۇلتتىق ارنا بۇل اقشاعا ماۋسىم ايىندا ىندەت ءورشىپ، توسەك ورىن مەن ءدارى-دارمەك جەتپەي جاتقان كەزدە ساعىنتاەۆ پەن الماتى سەس-ءىنىڭ ۆيرۋسپەن قالاي كۇرەسىپ جاتقانىن ناسيحاتتادى.

الماتى اكىمدىگىنەن تەندەر العان باسقا باق:

اكىمدىك پاندەميا باستالعالى بەرى پروپاگانداعا 3,5 ميلليارد تەڭگە جۇمساعان. بۇل اقشاعا قانشا وتباسىعا باسپانا الىپ بەرۋگە بولاتىنىن بىلەسىز بە؟

الماتىدا جاڭا تۇرعىن ۇيدەگى اۋماعى 52 شارشى مەتر ەكى بولمەلى پاتەر 25 ملن، ال 85 شارشى مەتر پاتەر 45 ملن تۇرادى. اكىمدىك پروپاگانداعا جۇمساعان 3 580 394 435 تەڭگەگە 143 ەكىبولمەلى نەمەسە 79 ۇشبولمەلى پاتەر الۋعا بولادى. بۇگىندە الماتىدا پاتەر كەزەگىندە 25 مىڭنان استام ادام تۇر. الايدا اكىمدىك الەۋمەتتىك ماسەلەلەردى شەشۋ ورنىنا ميللياردتاعان اقشانى وزىنە قاراستى جانە ۇكىمەتتى ماقتايتىن اقپارات قۇرالدارىنا بەرىپ وتىر».

رەسمي مالىمەت بويىنشا، الماتى قالاسىندا وسى ۋاقىتقا دەيىن تىركەلگەن ناۋقاستاردىڭ 21%-ى نەمەسە 5/1 بولىگى تەك ناۋرىز ايىندا تىركەلدى. كوروناۆيرۋس پەن ونىڭ پنەۆمونيالىق ءتۇرىن قوسا ەسەپتەگەندە، ءبىر جىلدا 38 530 ناۋقاس ەسەپكە الىنعان. ونىڭ 8015-ءسى وسى ايدا انىقتالدى. قالانىڭ «قىزىل ايماققا» كىرگەنىنە ءبىرشاما ۋاقىت وتسە دە رەكوردىق ستاتيستيكا جالعاسىپ جاتىر.

بۇعان دەيىن زەرتتەۋشىلەر ەپيدەميا احۋالى ۋشىققانىنا قاراماستان استانا اكىمدىگى 1,3 ملرد تەڭگە قارجىنى پروپوگانداعا، ياعني اكىمدىك ساياساتىن اقپاراتتىق تۇرعىدا ناسيحاتتاۋعا جۇمساعانى تۋرالى جاريالاعان.

"The Qazaq Times"