ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) ينفراقۇرىلىمدى كۇتىپ-ۇستاۋعا كولەمى شامامەن 11 ملرد تەڭگە قاراجات بولاتىن تەندەر جاريالادى. الايدا بۇل جوو وقىتۋشىلارىنىڭ ءبىر بولىگى قارسىلىعىن تۋدىردى.
Informburo.kz رەداكتسياسىنا وزدەرىن قازۇۋ وقىتۋشىلارى رەتىندە تانىستىرعان توپتان حات كەلىپ تۇسكەن. ولار رەكتور جانسەيىت تۇيمەباەۆ پەن «ونىڭ ادامدارىن» مەمساتىپالۋ ءراسىمىن بۇزىپ، باعانى نەگىزسىز ءوسىردى دەپ ايىپتايدى. عالىمدار قوماقتى قاراجاتقا كەشەندى قىزمەتتەردى قامتيتىن تەندەر وتكىزۋ «بيۋدجەت قارجىسىن جاسىرىن جىمقىرۋدىڭ وڭتايلى ءادىسى» دەپ ەسەپتەيدى.
حاتتىڭ اۆتورلارى «اكتسيونەرلىك قوعامدار تۋرالى» زاڭنىڭ بۇزىلعانىنا نازار اۋدارتادى.
«سوماسى 11 ملرد بولاتىن مەملەكەتتىك ساتىپ الۋ ۋنيۆەرسيتەت اكتيۆتەرىنىڭ بالانستىق قۇنىنان 25%-عا كوپ، ال مۇنداي جاعدايدا كەلىسىم-مامىلەلەر جاساسۋ تۋرالى شەشىم تەك ۋنيۆەرسيتەتتىڭ ديرەكتورلار كەڭەسى تاراپىنان عانا قابىلدانۋى ءتيىس».
قازۇۋ عيماراتتارىنا قاتىستى لوتتا تاپسىرىس ورىنداۋشى ءۇش جىل بويى ليفت جۇمىسى، عيماراتتاردىڭ تازالىق، قار كۇرەۋ-شىعارۋ، كەڭسە جيھازدارىن جوندەۋ سياقتى ت.ب. قىزمەت تۇرلەرىن كورسەتۋى ءتيىس. كونكۋرستىق تاسىلمەن وتەتىن مەملەكەتتىك ساتىپ الۋعا ءوتىنىم بەرۋ كەزەڭى 8-23 قازان ارالىعىندا جۇرگىزىلمەك.
بيۋدجەتى اسا قوماقتى مەملەكەتتىك ساتىپ الۋ تۋرالى حابارلامادا تەك ءبىر عانا لوت جاريالانعان. لوت اتاۋى – «عيماراتتاردى/قۇرىلىستاردى/ۇي-جايلاردى جانە ىرگەلەس اۋماقتاردى كۇتىپ – ۇستاۋ جونىندەگى قىزمەتتەر» دەپ كورسەتىلگەن. ال قوسىمشا سيپاتتاماسىندا «ءال-فارابي اتىنداعى قازاق ۇلتتىق ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ عيماراتتارىنا كەشەندى قىزمەت كورسەتۋ جونىندە» ەكەنى اتالىپ، جالپى قۇنى 10 ملرد 974 ملن 841 مىڭ 673 (10 974 841 673) تەڭگە دەپ بەلگىلەنگەن.
سوماسى اسا قوماقتى تۇراتىن مەمساتىپالۋ حابارلاندىرۋىنىڭ سكرين-سۋرەتى. فوتو: satypalu.gov.kz
بۇل قارجى ءۇش جىلعا ەسەپتەلگەن: ءبىرىنشى جىلى 844 ملن، ەكىنشى جىلى 3,3 ملرد جانە ءۇشىنشى جىلى 3,3 ملرد تەڭگە جۇمساۋ جوسپارلانعان.
Informburo.kz سايتىنىڭ جازۋىنشا، جوو ءباسپاسوز كىزمەتى اقپارات قۇرالىنىڭ سۇراۋىنا قاتىستى ۋنيۆەرسيتەت قىزمەتىنىڭ بەيىندى ەمەس تۇرلەرىن اۋتسورسينگكە بەرە وتىرىپ، جىلدىق شىعىندى 20%-عا ۇنەمدەگەنىن حابارلاعان.
«قازۇۋ نەگىزگى قىزمەتى – بىلىكتى ماماندار دايارلاۋ جانە عىلىمي زەرتتەۋلەر جۇرگىزۋ. جوو-دا 3 مىڭعا جۋىق پروفەسسور، وقىتۋشى مەن عىلىمي قىزمەتكەر جۇمىس ىستەيدى، 26 مىڭ ستۋدەنت ءبىلىم الادى. ۋنيۆەرسيتەت جارعىدا كورسەتىلمەگەن وزىنە ءتان ەمەس فۋنكتسيالاردى ورىنداماۋى ءتيىس»، – دەپ جاۋاپ بەرگەن ونلاين باسىلىمعا.
ۋنيۆەرسيتەتتىڭ ءباسپاسوز قىزمەتى بەرگەن اقپاراتقا قاراعاندا، جەڭىمپاز مەكەمە قالاشىقتاعى 44 نىسانعا، ونىڭ ىشىندە 16 جاتاقحانا مەن 24 وقۋ جانە اكىمشىلىك عيماراتتارىنا، 78 گەكتار اۋماقتى الىپ جاتقان ءتورت جەر ۋچاسكەسىنە، سونداي-اق ەلەكترمەن جابدىقتاۋ جەلىلەرىنە – 12 قوسالقى ستانتسيا مەن 58 كم كابەلگە، ۇزىندىعى 15,7 كم بولاتىن سۋمەن جابدىقتاۋ جانە جىلىتۋ جۇيەلەرىنە قىزمەت كورسەتەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى