بۇگىن "نۇر وتان" قۇپيا جينالىس وتكىزىپ جاتىر

استانادا "نۇر وتان" پارتياسى ساياسي كەڭەسىنىڭ وتىرىسى "قۇپيا" ءوتىپ جاتىر. وعان اقپارات قۇرالدارى شاقىرىلماعان. جيىننان ترانسلياتسيا دا كورسەتىلمەيدى. وتىرىستىڭ ءوزى سەيسەنبى كۇنى كۇندىزگى ساعات 3-تە باستالاتىنى حابارلانعان ەدى. بۇل تۋرالى ورتالىق ازيا جاڭالىقتار قىزمەتى جازدى.

ازاتتىق تىلشىلەرى سەيسەنبى كۇنى "ەلباسى كىتاپحاناسىنا" بارعان كەزدە عيمارات ماڭىندا كۇزەت كۇشەيگەنىن كوردى. عيمارات قاقپاسى جابىق، وعان تەك ارنايى رۇقساتى بار كولىكتەر عانا كىرىپ جاتتى. كىتاپحانا ماڭىندا كامەرا بەكىتىلگەن كولىكتەر، جەدەل جاردەم ماشينالارىنىڭ تۇرعانى بايقالدى. پوليتسيا اۆتوبۋستارى دا بار.

ازاتتىقتىڭ ءتۇسىرىلىم توبىن كورگەن ساقشىلار كەلىپ، "كىتاپحانادا جيىن ءوتىپ جاتىر، باستىقتار كەتسىن دەپ جاتىر" دەپ ەسكەرتۋ جاسادى.

ءبىرىنشى پرەزيدەنت نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي تەلەفونىنا جاۋاپ بەرمەدى. ال "نۇر وتان" پارتياسىنىڭ ءباسپاسوز قىزمەتى ءبىر كۇن بۇرىن ساياسي كەڭەس وتىرىسى ونلاين كورسەتىلمەيتىنىن ايتقان.

بۇعان دەيىن پارتيانىڭ ساياسي كەڭەس وتىرىسىندا ء"تۇرلى وزگەرىستەردىڭ بولاتىنى" جايلى بولجامدار ايتىلعان.

كەڭەس وتىرىسىنا قاتىسۋشىلاردىڭ ءبىرى 23 قاراشادا ازاتتىق تىلشىسىنە جيىندا "پارتيانىڭ سايلاۋالدى باعدارلاماسىن ىسكە اسىرۋ ماسەلەسى قاراستىرىلىپ جاتىر. جيىندى پارتيا توراعاسى [نۇرسۇلتان نازارباەۆ] جۇرگىزىپ جاتىر" دەپ حابارلادى.

"The Qazaq Times"