ءازىمباي عالي: رەسەي بيلىگى قازاقستاننىڭ ىشكى ىستەرىنە ارالاسپاق

رەسەي ۋكراينانىڭ قىرىمىن اننەكسيالادى، شىعىس ۋكراينادا  سوعىس باستادى، بەلورۋسسيانى قوسىپ العىسى بار، ەندى رەسەي قازاقستانعا اۋىز سالماقشى.  

رەسەي ۋكرايناداعى سوعىسقا باتىپ بارادى. سوڭعى كەرچ وقيعاسى باتىس مەملەكەتتەر اليانسى(اقش پەن ەۆروپالىق وداق- ءبارى ناتو مۇشەسى) رەسەيمەن كونفرونتاتسياعا كەتىپ بارادى. ۋكراينادان تارتىپ العان قىرىم كەلەسى جازدا سۋسىز قالادى. ارينە اۋىل شارۋاشىلىعى يرريگاتسيالىق سۋسىز قالدى، ال قىرىم كۋرورتتارى دەمالۋشىسىز قالدى.ال قىرىم جۇرتشىلىعى رەكرەاتسيالىق بيزنەسپەن كۇنكورىس ەتەتىن. ەگەردە 2014 جىلدان بۇرىن قىرىم جۇرتشىلىعى جانە لۋگانسك پەن دونەتسك تۇرعىندارى رەسەيگە قوسىلساق قوسىلايىق: بالالارىمىز ماسكەۋدە وقيتىن بولادى، ال قىرىمنىڭ شال كەمپىرلەر رەسەيدەن ماسكەۋلىك ۇلكەن پەنسيالارىنان دامەلى بولدى. ال ءىس جۇزىندە شىعىس ۋكراينا(لۋگانسك پەن دونەتسك تۇرعىندارى) مەن قىرىم حالقى وپىق جەدى، ەندى جىلاپ وتىر. سونىمەن رەسەي قىرىم مەن شىعىس ۋكراينانى قاداعالاسا دا باتىس ەلدەرىنىڭ ەكونوميكالىق، فينانستىق جانە پەرسونالدىق سانكتسيالارىنا ۇرىندى.ال قازاقستاننىڭ جاعدايى نە بولادى؟ بۇگىنگى تاڭدا رەسەي بەلورۋسسيانى قوسىپ العىسى كەلەدى. بەلورۋسسيا باسشىسى – لۋكاشەنكو بەلورۋستىڭ انا ءتىلىن قۇرتىپ ۇلگىردى، بىراق رەسەيگە تولىق باعىنعىسى كەلمەيدى، سونىمەن قاتار ولاردان اۋقىمدى قارجى الىپ وتىر. رەسەي باسشىلىعى لۋكاشەنكونى كوندىرەتىن ءتۇرى بار. بۇگىنگى كۇنى بىرىكتىرۋ - "ينتەگراتسيالىق كوميسسياسى" جۇمىسىن باستادى. ال قازاقستانعا رەسەيدەن قانداي قاتەر بار: سوڭعى ۋاقىتتا قازاقستاندى رەسەي ۆاليۋتالىق وداققا شاقىرىپ وتىر. بۇل ءبىزدىڭ ەگەمەندىكتى قۇرتۋ جولى، ەلباسى بۇل جولدان باس تارتىپ وتىر. رەسەيدىڭ قارجى جاعدايى مىقتى ەمەس بولسا دا يمپەريالىق دامەلىسى زور. ەكىنشىدەن رەسەي ناسيحاتتىق ىقپالدى كۇشەيتىپ كەلەدى. ماسەلەن، قازاقستاندا ورىس جۇرتشىلىعى "جانشىلىپ جاتىر، اسىرەسە ورىستار قازاق ۇلتشىلدىعىنان زارداپ شەگەدى" ەكەن. رەسەي بيلىگى قازاقستاننىڭ ىشكى ىستەرىنە ارالاسپاق. مەنىڭ بىلۋىمشە وسىدان بىلاي "ورىس ماسەلەسى" ەلىمىزدەگى سەپاراتيزمدى كوتەرمەك. ءبىز اقش پەن ەۆروپالىق وداقتى، حالىقارالىق ۇيىمداردى ءوز جاعىمىزعا تارتۋىمىز كەرەك. ەڭ باستىسى – اسكەري كۇشتەردى قۋاتتى جاعدايدا ۇستاۋعا تۋرا كەلەدى. قارۋلى كۇشتەرىمىز ۋكراينانىڭ ساباعىن ەسكەرتۋ كەرەك. ۋكراينانىڭ شەكاراسىندا وپاسىزدىق بولىپ ۋكراينا شەكەاراسىنان كوپتەگەن سەپاراتيستەر ءوتىپ كەتكەن. سول سياقتى سەپاراتيستىك پيعىلداعى بەلسەندىلەردى اۋىزدىقتاۋ تاعى دا كۇن تارتىبىنە شىعادى.

"The Qazaq Times"