Photo: Zakon.kz

قازاقستان سىرتقى ىستەر مينيسترلىگى قازاق ماسەلەسىنە قاتىستى قىتايعا بىرنەشە رەت نوتا جولداعان.

ءسمادياروۆتىڭ سوزىنشە، قازىر مينيسترلىك بالالارىنان اجىراپ، قىتايدا قالعان قازاقتار ماسەلەسىنە قاتىستى بەيجىڭمەن جۇمىستار جۇرگىزىپ جاتىر.

- بالالارى قازاقستاندا، وزدەرى قىتايدا قالعان قازاقتاردىڭ ماسەلەسىن بىلەمىز. ديپلوماتيالىق ارنالار ارقىلى بىرنەشە نوتا جولدادىق. اتى-جوندەرىن دە جىبەردىك. كەيبىر بالالاردىڭ اتا-انالارىن بىلمەيمىز. كومەك كەرەك بولسا، رەسمي تۇردە سىرتقى ىستەر مينيسترلىگىنە حابارلاسسا بولادى، - دەدى سمادياروۆ.

2 قاراشادا قىتايدا اتا-انالارى قالعان الپىس شاقتى بالا الماتىدا جيىن وتكىزىپ، قازاقستان بيلىگىنەن، حالىقارالىق ۇيىمداردان كومەك سۇراعان.

بۇعان دەيىن شىڭجاڭنىڭ ءتۇرلى اۋداندارىنان قازاقستانعا كوشىپ كەلگەن قازاقتار الماتىدا كەزەك-كەزەك ءباسپاسوز ءماسليحاتىن وتكىزىپ، قىتايدا قامالعان تۋىستارىن بوساتۋعا بيلىكتەن جانە حالىقارالىق قاۋىمداستىقتان اراشا سۇراعان. قىركۇيەكتىڭ سوڭىندا شىڭجاڭنىڭ مۇڭعىلكۇرە اۋدانىنان كوشىپ كەلگەن قازاقتار وتكىزگەن جيىندا پروكۋراتۋرا وكىلدەرى كەلىپ، مۇنداي جيىن وتكىزۋگە بولمايتىنى تۋرالى ەسكەرتىپ كەتكەن.

قىتايداعى ەتنيكالىق ازشىلىققا قىسىم كورسەتىلىپ جاتقانىنان وزگە از ۇلتتار وكىلدەرى بالالارىنىڭ قۇقىعى دا حالىقارالىق ۇيىمداردىڭ نازارىنا ىلىگىپ، الاڭداۋشىلىق تۋدىرعان. قىتاي ەلدە "ساياسي-تاربيە لاگەرلەرىنىڭ" بار ەكەنىن مويىنداسا دا، ەتنيكالىق ازشىلىققا قىسىم جوق دەپ كەلەدى.

"The Qazaq Times"