Photo: Zakon.kz

Qazaqstan sırtqı ister ministrligi qazaq mäselesine qatıstı Qıtayğa birneşe ret nota joldağan.

Smadiyarovtiñ sözinşe, qazir ministrlik balalarınan ajırap, Qıtayda qalğan qazaqtar mäselesine qatıstı Beyjiñmen jwmıstar jürgizip jatır.

- Balaları Qazaqstanda, özderi Qıtayda qalğan qazaqtardıñ mäselesin bilemiz. Diplomatiyalıq arnalar arqılı birneşe nota joldadıq. Atı-jönderin de jiberdik. Keybir balalardıñ ata-anaların bilmeymiz. Kömek kerek bolsa, resmi türde sırtqı ister ministrligine habarlassa boladı, - dedi Smadiyarov.

2 qaraşada Qıtayda ata-anaları qalğan alpıs şaqtı bala Almatıda jiın ötkizip, Qazaqstan biliginen, halıqaralıq wyımdardan kömek swrağan.

Bwğan deyin Şıñjañnıñ türli audandarınan Qazaqstanğa köşip kelgen qazaqtar Almatıda kezek-kezek baspasöz mäslihatın ötkizip, Qıtayda qamalğan tuıstarın bosatuğa bilikten jäne halıqaralıq qauımdastıqtan araşa swrağan. Qırküyektiñ soñında Şıñjañnıñ Mwñğılküre audanınan köşip kelgen qazaqtar ötkizgen jiında prokuratura ökilderi kelip, mwnday jiın ötkizuge bolmaytını turalı eskertip ketken.

Qıtaydağı etnikalıq azşılıqqa qısım körsetilip jatqanınan özge az wlttar ökilderi balalarınıñ qwqığı da halıqaralıq wyımdardıñ nazarına iligip, alañdauşılıq tudırğan. Qıtay elde "sayasi-tärbie lager'leriniñ" bar ekenin moyındasa da, etnikalıq azşılıqqa qısım joq dep keledi.

"The Qazaq Times"